Esaia 65:2 - Tosi Tapu

² Na kau falo oku lima i aso fuli ki se kakai agatuu, Leia e saele i se ala veli, o mulimuli ata ki ana manatu ;

Esaia 65:2 ပူးပေါင်းရင်းမြစ်များ

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Pesalemo 36:4

Ko masau o lona gutu ko le loi mo le kaka ; E fakafiti a ia ki le poto mo le malie.

Pesalemo 36:5

E metitasio a ia ki le veli i lona moeaga ; E tuu a ia i se ala leia e leaise malie ; E leaise vesia a ia ki le veli.

Taagapati 1:24

O tupu na kau kalaga atu kia koutou kae na leaise kotou tali mai ; O tupu na kau falo atu loku lima kae na leaise tokaga se tasi ki ai,

Taagapati 16:29

E fakasalai e le tagata agaitaita lona oloi, Ti e fakasaele e ia a ia i se ala leia e leaise malie.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 30:9

Talie ko se kakai agatuu, Ko ni fanau gutu loiloi, Ko ni fanau ala e leaise fia logo ki le lao a le Eteleno,

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 55:8

Talie ko aku manatu e leaise ko akoutou manatu, Ti ko okoutou ala e leaise ko oku ala, E pati le Eteleno.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Esaia 66:4

Ko au foki, e kau fiafia loa i lolatou mamae, Ti e kau kakau mai loa kia latou le nea leia e lotou i ki ai ; Talie na kau kalaga, ti na leaise lotou tali mai, Talie na kau masau, ti na leaise lotou fakalogo mai ; Kae na lotou fai le nea leia e veli ki oku mata, Ti na lotou filifili le nea leia e kau vesia ki ai.

Selemia 18:12

Kae e lotou pati : E leai sona aoga ! Talie e motou mulimuli loa ki amatou manatu, E motou tasi fai loa o mulimuli ki oli o lomatou loto veli.

Selemia 3:17

I aso ana, e fakaigoa loa Selusalemi ko le agaiaga o le Eteleno. E fakatasi loa a puleaga fuli o le malama nei ki Selusalemi, i le suafa o le Eteleno, Ti e leaise lotou toe mulimuli loa ki oli o lolatou loto veli.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Selemia 5:23

E maua e le kakai leinei se loto patigataa mo agatuu ; E lotou agatuu, ti e lotou ano.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Numelo 15:39

Ka kotou maua loa le ga kie lena i le kapa o okoutou kofu, e kotou tio loa ki ai ti e kotou manatui loa a folafola fuli a le Eteleno ke kotou fai latou, ti e leaise kotou mulimuli loa ki oli o okoutou loto mo okoutou mata ala e ave ia loa koutou ki tausi fakapagani.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Luka 13:34

Selusalemi, Selusalemi, leia e tamate ia le kau polofeta mo tuki fatui ia latou ala na kakau mai kiate koe, kua tua fia loku loto ke tanaki au fanau, ofaipe se tanaki e se ufa lona toloaki i lalo o ona kapakau, kae na leaise kotou loto ki ai !

Loma 10:21

Kae na pati a ia ki Iselaele : Na kau folasi oku lima i le aso katoa ki se kakai patigataa Ti mo taugutu.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Tetelonome 29:19

Ke aua na i ai loa se tasi, leia e oki loa lana logo ki folafola o le sai leinei, ti e fia nealasi loa lona loto, o pati : E kau maua loa le tokamalie, logo ai e kau mulimuli loa ki olioli o loku loto, ti e kau fakalasi loa le fia inu ki le kona.

Tetelonome 31:27

Talie e kau iloa lou loto fefeka, mo le fefeka o lou ua. Kapau na kotou fakafesagai ki le Eteleno i le temi leia na kau mauli ai mo koutou, e feaki ake loa i le oki o loku mate !

Tetelonome 9:7

Ke ke manatui, ti ke aua na galo iate koe le aso leia na ke fakatupu ai le sausau o le Eteleno, lou Atua, i le toafa. Na ke fakafesagai ki le Eteleno mei le aso leia na ke mavae ai i le fenua o Esipito o kaku ki le aso leia na ke kaku mai ai ki le ganea leinei.