Esaia 65:18 - Tosi Tapu

¹⁸ Kae ke kotou fakafiafia ti ke kotou nekenekea o lee gato, O tupu ko le nea leia ka kau fakatupu loa ; Talie ka kau fakatupu loa Selusalemi ki le nekenekea, Ti mo lona kakai ki le fiafia.

Esaia 65:18 ပူးပေါင်းရင်းမြစ်များ

Lua tosi o Koloniko 6:41

I le lakaga nei, Eteleno Atua, ke ke tuu ki aluga, ke ke au ki lou maloloaga, a koe mo le aleka o lou agai. Eteleno Atua, tuku ke kofu au tagata faisakilifisio ki le fakamauli, ti tuku ke fakafiafia lou kakai alofaina ki le manuia !

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Esaia 51:11

Koia e toe liliu loa le kau totogi a le Eteleno, E lotou ano loa ki Sione mo ni sua o le malo, Ti e lotou pala loa olatou ulu ki se fiafia lee gato ; E fakafeofi ake loa le nekenekea mo le fiafia, Kae sosola loa le mamae mo le tagi.

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Esaia 60:15

I mua na tiaki a koe ti na vesia kiate koe, Ti na leaise fakalaka se tasi iate koe, Kae i le aso nei e kau fakaliliu loa a koe ko se nea fakateuteu o lee gato, Ko se fiafiaaga ki tautupu mo tautupu.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 9:3

Talie ko le fa amo leia na taomi ia lona ua, Mo le tokotoko leia na ta ia lona tua, Mo le laakau leia na fakapopula ia a ia, Kua ke fatii latou, ofaipe le aso o Matiane.

Sofoni 3:14

Taine o Sione, ke ke kalaga fakafiafia ! Iselaele, ke ke fakamapa ni kalaga nekenekea ! Taine o Selusalemi, fakafiafia i lou loto katoa !

Sakalia 2:10

Taine o Sione, Ke ke fai ni kalaga fakafiafia ti ke ke nekenekea ! Talie ko leinei, e kau au, ti e kau nofo loa i loto malie o ou, E pati le Eteleno.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Uluaki tosi ki le kau Tesalonika 5:16

Kotou fiafia tuumau.