Esaia 65:12 - Tosi Tapu

¹² E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Esaia 65:12 ပူးပေါင်းရင်းမြစ်များ

Esaia 1:16

Kotou maanu, kotou fakamea, Kotou too i mua o oku mata akoutou gaoi veveli ; Kotou tuku le fai o le nea e veli.

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 27:1

I le aso lena, e taai loa e le Eteleno ki lana seleta lasi, mo fakaii, mo makeke, Le leviatane, gata kaikivao, Le leviatane, gata pikopiko ; Ti e tamate loa e ia le talakone leia e nofo i le tai.

Esaia 3:25

E mamate loa au tagata i le seleta, Ti e mamate loa au tagata toa i le tau.

Esaia 34:2

Talie kua mamae le Eteleno ki atu puleaga fuli, Ti ka vilo lona sausau ki alatou kau solia fuli : Kua tuku e ia latou ke maumaui, Kua tuku e ia latou ke tamate.

Esaia 34:5

Kua kona laku seleta i le atu lagi ; Ko leinei, ka ifo a ia ki Etome, Ki le kakai leia na kau tuku ki le maumau, ke tautea ai a ia.

Esaia 34:6

Kua apele le seleta a le Eteleno i le toto, ti kua piki i ai a gako Mo le toto o akeno mo koti, Ti mo gako o ifiifi o ovi tagata ; Talie e i ai ni vikitima a le Eteleno i Potesela, Ti mo se tamatea tagata lasi i le fenua o Etome.

Esaia 41:28

E kau tio saele, kae e leai fua se tasi, E leaise tasi fua ia latou e faikikite, Ti e mafai ke tali mai, mo ka kau vesili ki ai.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 59:15

E puli le maoki, Ti ko leia e fakamamao i le veli e kaia ona koloa. E tio le Eteleno ki le nea a ia, ti na veli ai ki ona mata, Leia e puli le faitotonu.

Esaia 63:6

Na kau takatakafi ni kakai i loku ita, Ti na kau fakaliliu latou ke konana i loku sausau, Ti na kau liligi lolatou toto ki le kele.

Esaia 65:3

Ki se kakai leia e leaise gato lana fakatupu loku ita, Leia e momoli ia ni failaulau i oloto, Ti e tutu ia le iseso i aluga o piliki ;

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Selemia 16:17

Talie e tokaga oku mata ki olatou ala fuli, E leaise munia olatou ala i oku mua, Ti e leaise puli alatou agaveli ki oku mata.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Selemia 35:17

Koia e folafola le Eteleno, le Atua o kau tau, le Atua o Iselaele, o pati : Ko leinei, e kau kakau mai loa ki Suta mo le kakai katoa o Selusalemi a malaia fuli ala kua kau fakasa kia latou, talie kua kau masau kia latou kae na leaise lotou fakalogo, ti kua kau kalaga kia latou kae na leaise lotou tali.

Selemia 7:13

Ti ko leinei, e pati le Eteleno, O tupu na kotou fai a nea fuli ana, O tupu na kau masau atu kia koutou i le usu kae na leaise kotou fakalogo mai kiate au, O tupu na kau kalagai koutou kae na leaise kotou fakalogo mai kiate au,

Selemia 7:27

Kapau e ke fakasa kia latou a nea fuli ana, e leaise lotou fakalogo atu loa kiate koe ; Kapau e ke kalaga kia latou, e leaise lotou tali atu loa kiate koe.

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Sakalia 7:7

Pe leaise kotou iloa a folafola ala na fakasa e le Eteleno i ana kau polofeta mua, i le temi leia na nofoi ai mo fimalie ai Selusalemi mo ona kolo liliki fuli, ti na nofoi ai foki mo le potu saute mo le potu toafa o le fenua ?

Mateo 22:3

Na kakau loa e ia ana tagata fakasausau ke ano o kalagai latou ala na fakaafe ki le kaitasi ; kae na leaise lotou fia au.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Soane 1:11

Na au a ia ki lona kakai, kae na leaise tali a ia e lona kakai.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.