Esaia 65:11 - Tosi Tapu

¹¹ Kae ko koutou, ala e tiaki ia le Eteleno, Ala e galoi ia loku mauga tapu, Ala e fakatuu ia se aletale kia Kate, Ti e fakaapele ia se ipu kia Meni,

Esaia 65:11 ပူးပေါင်းရင်းမြစ်များ

Lua tosi o Sau 21:3

Na toe fakatuu loa e ia a ganea taualuga, ala na maumaui e Esekiasi, lona tamana ; na fakatuu loa e ia ni aletale kia Paale, ti na fai loa e ia se fakatata o Asetalate, ofaipe le fai e Akapo, sau o Iselaele, ti na atolasio loa a ia ki le kau tau katoa o le lagi mo tausi ki ai.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Pesalemo 132:13

Io, na filifili e le Eteleno a Sione, Na oli a ia ke liliu a ia ko lona nofoaga :

Pesalemo 137:5

Kapau e kau galoi a koe, Selusalemi, Ke galoi au e loku lima atamai !

Esaia 1:28

Kae e maumaui loa latou fuli ala e agatuu mo latou fuli ala e agasala, Ti e mamate loa latou fuli ala e tiaki ia le Eteleno.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esaia 57:13

Ka ke tagi loa, pe fakamauli loa a koe e ou taulaatua mauke ? E ave loa latou fuli e le matagi, e seu loa latou e se tukumanava. Kae ko leia e fanaki kiate au e maua ia loa le fenua, Ti e maua ia loa loku mauga maokioki.

Esaia 65:25

E kai fakatasi loa le lupo mo le akeno, E kai loa e le laione le mutie ofaipe le pipi tagata, Kae ko le nea kai a le gata ko le efu. E leaise toe fai loa se veli pe ko se maumau I loku mauga maokioki katoa, E pati le Eteleno.

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Selemia 7:18

E tae e fanau se fafie, E tafu e tamana le afi, Ti e lusi e fafine le falina, Ke teuteu ai ni kato ki le fafine sau o le lagi, Ti ke fai ai ni sakilifisio nea inu ki ni atua kese, Ke fakatupu ai loku sausau.

Tetelonome 32:17

Na lotou momoli loa ni sakilifisio ki ni temonio ala e leaise Atua, Ki ni atua ala e leaise lotou iloa, Ki ni atua foou ala na leaise iloa e olatou tamana.

Epelo 12:22

Kae kua kotou fakafeofi ki le mauga o Sione, ki le kolo o le Atua mauli, ki le Selusalemi i Selo, ki miliate mo miliate o le kau aselo,