Esaia 65:10 - Tosi Tapu

¹⁰ E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Esaia 65:10 ပူးပေါင်းရင်းမြစ်များ

Uluaki tosi o Koloniko 27:29

na pule Sitelai, mei Salone, ki pipi o Salone ; na pule Safate, vosa o Atelai, ki pipi i vaivailiua ;

Uluaki tosi o Koloniko 5:16

Na lotou nonofo i Kalaate, i Pasani, mo kolo ala na kau ki ai, ti mo tafatafa fuli o Salone o kaku ki ona potupotu.

Esaia 33:9

Kua nofo le fenua i le putu, i le loto mamae ; Kua luma Lipane, ti kua gaegae ; Kua fai le Saloni pe se toafa ; Kua lu e le Pasani mo le Kalemelo a lau o ola laakau.

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Esaia 55:6

Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Selemia 29:13

E kotou afa loa au, ti e kotou maua loa au, mo kapau e kotou afa au i lokoutou loto katoa.

Selemia 33:12

Koia e folafola ai le Eteleno o kau tau, o pati : E toe maua loa i le ganea leinei Leia e toafa, sala tagata mo sala manu, Ti mo ona kolo fuli, E maua loa ni nofoaga ki kau tausi manu, Ala e fakamalolo ia alatou kau manu.

Selemia 50:19

E kau toe aumai loa Iselaele ki lona nofoaga ; E maua loa e ia ona faisaga mutie i Kalemelo mo Pasani, Ti e makona loa lona laumalie i le mauga o Efalaimi mo Kalaate.

Oseo 2:15

E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Gaoi 9:35

Na tio loa kiate ia le kakai fuli o Lita mo Salona, ti na lotou tafoki loa ki le Aliki.