Esaia 64:3 - Tosi Tapu

³ Talie e talu mei le kamataaga o le malama nei, E leikiaise logo se taliga, Pe tio se mata ki se tasi ake atua iate koe, Kua fai ia ni nea ana kia latou ala e fanaki kiate ia.

Esaia 64:3 ပူးပေါင်းရင်းမြစ်များ

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Pesalemo 106:22

Mo ni milakulo i le fenua o Kami, Mo ni nea fakatalatupua i le Tai Kula.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 66:5

Kotou au, ti kotou tio ki gaoiaga a le Atua ! E fakaii a ia mo ka gaoi a ia ki vosa o le tagata.

Pesalemo 68:8

Ei Atua ! I le aso leia na ke saele ai i mua o lou kakai, I le aso leia na ke saele ai i le toafa. - Manava.

Pesalemo 76:12

Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Ekesote 34:10

Na tali loa le Eteleno : Ko leinei, e kau fai loa se sai. E kau fai loa i mua o lou kakai katoa, ni nea fakamanamana ala na leikiaise soko fuai i se fenua pe ko se puleaga ; e tio loa le kakai katoa lena e takatakai ia a koe ki le gaoi a le Eteleno, ti e fakaii loa le nea leia e kau fakasoko ia loa kiate koe.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 64:1

Ofaipe se ula a se afi na tafu ki se fafie malo, Ofaipe se pula o se vai vela o masa ; E iloa loa e ou fili lou suafa, Ti e lulu loa a atu puleaga i ou mua.

Apakuki 3:3

E au le Atua mei Temane, E au le Sagato mei le mauga o Palani… Manava. E fakaapele e lona agai le atu lagi, Ti e fakaapele e lona kololia le kele.

Apakuki 3:6

E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Tetelonome 10:21

Ke ke tuku le fakavikiviki ki le Eteleno, talie ko ia ko lou Atua : Ko ia leia na fai ia a gaoi lalasi mo fakaii fuli ana i loto malie o ou, ala na tio ki ai ou mata.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?