Esaia 64:11 - Tosi Tapu

¹¹ I le oki o le nea lena, ei Eteleno, pe ke toe kataki loa ? Pe ke fakalologo loa, ti mo ke fakamamae loa matou ke veli ?

Esaia 64:11 ပူးပေါင်းရင်းမြစ်များ

Uluaki tosi o Sau 8:14

Na maliu loa a mata o le sau, ti na tapuaki loa a ia ki le kakai katoa o Iselaele ; ti na tutuu le fakatasiga katoa o Iselaele.

Uluaki tosi o Sau 8:56

Ke fakafetai ki le Eteleno, leia kua soli ia le malolo ki lona kakai ko Iselaele, o mulimuli ki ana fakapapau fuli ! Ke fakafetai ki le Eteleno o uiga mo folafola malilie fuli ala na fai e ia ki le gutu o Moisese, lana tagata fakasausau, talie na leaise vilo noa se folafola fua e tasi.

Lua tosi o Sau 25:9

Na tutu loa e ia le fale o le Eteleno, mo le fale o le sau, ti mo fale fuli o Selusalemi ; na tutu loa e ia ki le afi a fale fuli ala na mauiga.

Lua tosi o Koloniko 36:19

Na lotou tutu loa le fale o le Atua, na lotou maumaui loa a paa o Selusalemi, na lotou tuku loa ki le afi a nea fuli o ona fale sau mo maumaui loa a nea mauiga fuli.

Lua tosi o Koloniko 6:4

Ti na pati loa Salomone : Ke fakafetai ki le Eteleno, le Atua o Iselaele, leia na folafola mei lona gutu kia Tavite, loku tamana, ti kua fakasoko ia i lona mafimafi le nea leia na fakasa e ia, o pati :

Lua tosi o Koloniko 7:3

I le tio loa a fanau fuli a Iselaele ki le ifo o le afi mo le kololia o le Eteleno ki le fale, na lotou punou loa ki le kele o su mo fakafetai ki le Eteleno, o pati : Talie e agamalie a ia, talie e lee gato lona manava alofa !

Lua tosi o Koloniko 7:6

Na fai e le kau tagata faisakilifisio lalatou gaoi, ti na fai foki e le kau Levi lalatou gaoi mo alatou nea fai musika ki le Eteleno, ala na fai e le sau ko Tavite ke sua ki ai a fakavikiviki ki le Eteleno, i le aso leia na tuku ai loa e Tavite kia latou ke fakafetai ki le Eteleno, o pati : Talie lee gato lona manava alofa ! Na pupusi e tagata faisakilifisio ni fakatagi pupusi i olatou mua. Ti na tutuu le kakai katoa o Iselaele i aluga.

Esaia 63:18

Na maua e lou kakai maokioki le fenua i se ga temi toetoe fua ; Na takatakafi e omatou fili lou sagatualio.

Selemia 52:13

Na tutu loa e ia ki le afi le fale o le Eteleno, mo le fale o le sau, mo fale fuli o Selusalemi ; kae tafito a fale o latou fuli ala na mauiga.

Tagi laulau a Selemia 1:7

I aso o lona mamae mo lona fakaaloalofa, na manatui loa e Selusalemi A nea malilie fuli na maua e ia talu i le temi mua, I le temi leia na vilo ai lona kakai ki lima o leia na fakaveliveli ia a ia sala tokoi ; Na tio ona fili kiate ia, ti na lotou kakata i lona vilo.

Tagi laulau a Selemia 2:1

Oiau, kua ufiufi e le Eteleno ki ni ao le taine o Sione i lona sausau ! Na fakaifo e ia mei le lagi ki le kele le kololia o Iselaele ! Na leaise manatui e ia lona tekiaga vae, I le aso o lona sausau !

Tagi laulau a Selemia 2:7

Na vesia le Aliki ki lona aletale, na tiaki e ia lona sagatualio, Na tuku e ia ki lima o le fili a paa o fale fakaalialiki o Sione ; Na gugulu ni kalaga i le fale o le Eteleno Ofaipe se aso lasi.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Esekiele 24:25

Ti ko koe, vosa o le tagata, i le aso leia e kau too ai loa le nea leia e fakatupu ia lolatou makeke, mo lolatou fiafia, ti mo lolatou kololia, e kau toe too ai foki le fiafiaaga o olatou mata ti mo le tauaga o olatou alofa, olatou vosa mo olatou taineliki.

Sakalia 1:12

Ti na folafola loa le aselo o le Eteleno, o pati : Eteleno o kau tau, e kaku loa kiafea lau nofo e leaise ke alofa ki Selusalemi mo kolo o Suta, ala na ke sausaua ki ai talu mei fetuu e kau fitu ?

Mateo 24:2

Kae na pati loa a ia kia latou : E kotou tio ki nea fuli ana ? E kau pati maoki atu kia koutou, e leaise toe maua loa i leinei se fatu i aluga o se fatu, leia na leikiaise ti ki lalo.

Tetelonome 29:23

mo le vela katoa o le fenua leinei, leia e leaise maua loa i ai se pulapula, mo se fua, mo se mutie leia e somo, ofaipe le tutu o Sotoma mo Komola, mo Atema mo Sepoimi, ala na maumaui e le Eteleno i lona sausau mo lona finenonofo, -