Esaia 64:1 - Tosi Tapu

¹ Ofaipe se ula a se afi na tafu ki se fafie malo, Ofaipe se pula o se vai vela o masa ; E iloa loa e ou fili lou suafa, Ti e lulu loa a atu puleaga i ou mua.

Esaia 64:1 ပူးပေါင်းရင်းမြစ်များ

Pesalemo 46:6

E agai le Atua i loto malie o le kolo : e leaise galulu loa a ia ; E tokoi le Atua kiate ia talu mei le mafoata.

Pesalemo 68:8

Ei Atua ! I le aso leia na ke saele ai i mua o lou kakai, I le aso leia na ke saele ai i le toafa. - Manava.

Pesalemo 79:10

Kolea e pati ai loa a atu puleaga : Kofea lolatou Atua ? Ke iloa i lamatou nofo i lotolotoga o atu puleaga, E ke totogi le toto o au tagata fakasausau, le toto leia na liligi !

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Esaia 41:15

Ko leinei, e kau fakaliliu a koe ko se saliote sasa fulumeto, foou katoa, Kua apele i ni nifo matakakai ; E ke sasa loa, e ke gugu loa a mauga lalasi, Ti e ke fakaliliu loa a mauga liliki ofaipe le mutie malo leia e viligia.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Esaia 63:19

E motou faipe se kakai leia e leaise koi ke taki talu mei fualoa, Ti e leaise koi fakaigoa matou ki lou suafa… Oi ! Ka na ke saei a atu lagi, ti ka na e ke ifo mai, E sosolo loa a mauga i ou mua,

Amosi 9:13

Ko leinei, e soko mai loa a aso, e pati le Eteleno, Ala e ano loa le tagata fakamaluu kele i muli o leia e tuuti ia le fulumeto, Ti ko leia e tatau ia le fuai vite, i muli o leia e muluki ia le pulapula, Ala e sali loa le vino foou mei mauga ofaipe ni tafe, Ti e sali loa a ia mei mauga liliki fuli.

Amosi 9:5

E fafa le Aliki, le Eteleno o kau tau, ki le malama nei, ti e galulu a ia, Ti e tagi laulau loa lona kakai katoa. E malaga le kele katoa ki aluga ofaipe le vaitafe, Ti e ifo a ia ki lalo ofaipe le vaitafe o Esipito.

Sakalia 14:4

E tuu loa ona vae i le aso lena ki le mauga o Oliveto, Leia e agaaga ki Selusalemi, i le potu esite. E mafaa loa le mauga o Oliveto i loto malie, mei le potu esite ki le potu uesite, Ti e tuu loa se popoko lasi i ai : E solomuli loa se tasi vaelua o le mauga ki le potu noleto, Ti ko se tasi vaelua ki le potu saute.

Maleko 1:10

I le lakaga leia na mavae ai a ia mei le vai, na tio loa a ia ki le mavaa o le lagi, ti mo le Laumalie Maokioki e ifo kiate ia ofaipe se lupe.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.