Esaia 63:9 - Tosi Tapu

⁹ I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Esaia 63:9 ပူးပေါင်းရင်းမြစ်များ

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Sopo 37:23

E leaise feala ke tou kaku ki le Mafimafi, E lasi a ia i le makeke, I le faitotonu, mo le pule. E leaise tali mai a ia !

Pesalemo 25:22

Ei Atua ! fakamauli Iselaele I ona mamae fuli !

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Ekesote 14:19

Ti na ano loa le Aselo o le Atua, leia na saele i mua o le kau tau o Iselaele, o tuu i olatou muli ; ti na siki loa le pou ao leia na ano i olatou mua, o ano o tuu i olatou muli.

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 19:4

Kua kotou tio ki le nea leia na kau fai ki Esipito, ti kua kotou tio ki laku aumai koutou ki leinei, ki oku tafa, ofaipe se akuila leia e ave ia ona uviki i aluga o ona kapakau.

Ekesote 33:14

Na tali loa le Eteleno : E kau ano loa mo koe, ti e kau soli loa kiate koe se maloloaga.

Ekesote 33:15

Na tali loa Moisese : Kapau e leaise ke saele a koe totonu mo matou, ti ke aua na ke fakamavae matou i leinei.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:4

Talie e ke mauiga ki oku mata, Talie e ke lasi kiate au ti e kau alofa kiate koe, E kau soli ni tagata ke fetogi ai a koe, Ti mo ni kakai ke totogi ai lou mauli.

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 51:10

Pe na leaise ko koe leia na fakamalo ia le tai, A vai o le vanu loloto, Leia na fakamavaa ia i le takele o le tai Se ala ke saele ai latou ala na ke totogi ?

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Taniela 6:22

Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

Oseo 1:7

Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.

Soele 2:18

E finenonofo lasi le Eteleno ki lona fenua, Ti e fakamauli e ia lona kakai.

Sakalia 2:8

Talie e folafola le Eteleno o kau tau, o pati : I le sili o le nea lena, e au loa le kololia ! Na kakau e ia a au ki puleaga ala na fakamativa ia koutou ; Talie ko leia e fafa kia koutou e fafa ki le tiloga o le mata o le Eteleno.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Mateo 25:45

Ti e tali loa a ia kia latou : E kau pati maoki atu kia koutou, ko faiaga fuli ala na leaise kotou fai ai a nea ana ki se tasi o toe liliki oki ana, ko au leia na leaise kotou fai ki ai.

Luka 15:5

Ka maua e ia a ia, e teki e ia a ia ki ona tuauma i le fiafia,

Gaoi 12:11

I lona malama ake, na pati loa Petelo : Kua kau iloa papau i le temi nei kua kakau mai e le Atua lana aselo, ti kua fakamauli e ia au mei le lima o Elote ti mo nea fuli ala na talitali ki ai le kakai Sutea.

Gaoi 7:38

Ko ia leia, i le fakatasi i le toafa, na nofo mo le aselo leia na masau kiate ia i le mauga o Sinai ti mo otatou tamana, na tali ia a folafola mauli, ke tuku mai kia koutou.

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Uluaki tosi ki le kau Kolinto 10:9

Aua na tou asiasii le Aliki, ofaipe le fai a ni iki o latou, ala na mamate loa i gata.

Tetelonome 1:31

ti mo le toafa, leia na ke tio ai ki le aga a le Eteleno, lou Atua, o amo a koe ofaipe se tagata leia e amo ia lona vosa, i le ala katoa leia na kotou fai o kaku mai ki le ganea leinei.

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 2:18

Koia o tupu na asiasii a ia ti na fakasalai a ia, e feala ke tokoi ai a ia kia latou ala e asiasii.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.