Esaia 63:4 - Tosi Tapu

⁴ Talie na nofo i loku loto se aso o le totogi, Ti kua soko mai le fetuu o loku kakai na totogi.

Esaia 63:4 ပူးပေါင်းရင်းမြစ်များ

Pesalemo 107:2

Ke fakasa le nea lena e latou ala na totogi e le Eteleno, Latou ala na saofaki e ia i le lima o le fili,

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 1:27

E fakamauli loa Sione i le maoki ; Ti ko latou ala e tafoki loa i ai e fakamauli loa i le faitotonu.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 13:9

Ko leinei, kua soko mai le aso o le Eteleno, Aso fakaii, aso o le sausau mo le sausau kaka, Leia e fakaliliu ia loa le malama nei o toafa, Ti e tamate ia loa le kau agasala i le malama nei.

Esaia 34:8

Talie ko se aso o le totogi ki le Eteleno, Ko se fetuu o le liufaki o nea ala na fai ki Sione.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 35:9

I le ala lena, e leai se laione ; E leaise ano loa i ai se manu fekai, E leaise felavei loa i ai mo se manu fekai. Ko latou ala na saofaki e le Eteleno e saele loa i ai.

Esaia 47:3

E fakasa loa lou telefua, Ti e tio loa ki lou luma. E kau tautea loa a koe, E leaise kau tuku loa ke sao se tasi.

Esaia 52:3

Talie ko leinei le folafola a le Eteleno : Na fakatau noa koutou, Ti e leaise toe totogi loa koutou ki se paaga.

Esaia 61:2

Ke fakasa se fetuu o le kalasia o le Eteleno, Ti mo se aso o le sausau o lotatou Atua ; Ke fakapelepele latou fuli ala e mamae ;

Selemia 50:15

Kotou fai kiate ia se kalaga o le tau mei potu fuli ! E falo e ia ona lima ; E sisiga ona fakatafito, E sosolo ona paa. Talie ko le sausau o le Eteleno. Kotou totogi kiate ia le veli ! Kotou fai kiate ia ofaipe le nea na fai e ia !

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Esekiele 25:14

E kau liligi loa loku sausau ki Etome I le lima o loku kakai ko Iselaele ; E fai loa e ia ki Etome o mulimuli ki loku sausau mo loku mafaia ; Ti e lotou iloa loa loku sausau, E pati le Aliki, le Eteleno.

Sakalia 3:8

Koia fakalogo mai Sosue, tagata faisakilifisio lasi, a koe mo ou kaukau nea ala e tonatona i ou mua ! - talie ko ni tagata ala ka liliu loa ko ni fakamailoga. - Ko leinei, e kau fakasa loa laku tagata fakasausau, le Pulapula.

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.