Esaia 63:3 - Tosi Tapu

³ Na kau takatakafi toka tasi i le tataoaga vino, Ti na leaise se tagata mei atu kakai na kau mo au ; Na kau takatakafi latou i loku ita, Na kau takatakafi latou o lalai i loku sausau ; Na topisi lolatou toto ki oku kofu, Ti na kelekele ai oku kofu fuli.

Esaia 63:3 ပူးပေါင်းရင်းမြစ်များ

Senesi 49:11

E sai loa e ia lana asino ki le vite, Ti mo le uviki o lana asino fafine ki le tafito vite malie. E fo loa e ia lona kofu i le vino, Ti mo lona taupulupulu i le toto o le fua o le vite.

Lua tosi o Sau 9:33

Na pati loa a Seu : Kotou ti mai a ia ki lalo ! Na lotou ti loa Sesapele ki lalo, o topisi loa lona toto ki le paa mo osi. Ti na takafi loa a ia e Seu ;

Sopo 40:12

E peluki e ia lona siku o makeke ofaipe le sete ; E feuluaki a ua o ona alaga.

Pesalemo 60:12

Pe leaise ko koe, ei Atua, leia na tiaki ia matou, Leia na leaise koi ano, ei Atua, mo amatou kau tau ?

Esaia 22:5

Talie i le aso nei, kua tuku mai kia matou e le Aliki, le Eteleno o kau tau, Le mamae, mo le lava, ti mo le luma. I le vaivailiua o tio kua maumaui a paa, Ti kua kaku a tagi fakaaloalofa ki le mauga.

Esaia 25:10

Talie e malolo le lima o le Eteleno i le mauga leinei ; Ti kua takatakafi a Moape i lona tuuaga, Ofaipe le takatakafi o ni penu i le popoko penu.

Esaia 28:3

E takatakafi loa a ia ki vae, Le pala fulumalie o le kau konana o Efalaimi ;

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Esaia 63:6

Na kau takatakafi ni kakai i loku ita, Ti na kau fakaliliu latou ke konana i loku sausau, Ti na kau liligi lolatou toto ki le kele.

Tagi laulau a Selemia 1:15

Na ti e le Aliki ki le kele aku tagata tau fuli i loto malie o oku ; Na tanaki e ia se solia kiate au, Ke maumaui ia aku tagata tupulaga ; Na takatakafi e le Aliki i le tataoaga vino le taupoou, taine o Suta.

Soele 3:13

Kotou too le sele tuuti fulumeto, Talie kua matua le taukai fulumeto ! Kotou au, kotou takatakafi, Talie kua apele le tatauaga vite, Kua apele pipi a tane vino ! Talie kua lasi ai lalatou agaveli.

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Malakia 4:3

Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.