Esaia 62:9 - Tosi Tapu

⁹ Kae ko latou ala e tanaki ia loa le fulumeto e kai ia loa a ia Ti e fakafetai loa ki le Eteleno, Ti ko latou ala na tau ia le vite e inu ia loa le vino I lotoa o loku sagatualio.

Esaia 62:9 ပူးပေါင်းရင်းမြစ်များ

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Esaia 65:21

E lotou fakatuu loa ni fale, ti e lotou nonofo loa i ai ; E lotou to loa ni faisaga vite, ti e lotou kai loa olatou fua.

Esaia 65:22

E leaise lotou fakatuu loa ni fale ke nofo ai e se tasi kese, Ti e leaise lotou to loa ni faisaga vite ke kai e se tasi kese le fua ; Talie e fai loa a aso o loku kakai pe aso o laakau, Ti e fiafia loa aku kau filifiliia i le gaoiaga o olatou lima.

Selemia 31:5

E ke toe to loa ni faisaga vite i mauga o Samalia ; E to loa e le kau to laakau, ti e lotou tau loa olatou fua.

Esekiele 40:14

Ti na fua foki e ia le laulasi o le kogafale, leia na meta kau agafulu. Na takatakai e le malae o le fale tapu le kogafale lena.

Soele 2:26

E kotou kakai loa ti e kotou makokona loa, Ti e kotou fakavikiviki loa ki le suafa o le Eteleno, lokoutou Atua, Leia na fai ia kia koutou ni nea fakamanamana ; Ti e leaise toe luma loa loku kakai.

Sakalia 3:7

E folafola le Eteleno o kau tau, o pati : Kapau e ke saele i oku ala, ti kapau e ke tausi aku fakatotonu, e ke fakamaui loa loku fale ti e ke tausi loa oku lotoa tapu, ti e kau tuku loa kiate koe ke ke ulu faitalisa kia latou ala e nonofo i leinei.

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:14

E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.