Esaia 62:8 - Tosi Tapu

⁸ Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Esaia 62:8 ပူးပေါင်းရင်းမြစ်များ

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 54:9

Talie e fai loa kiate au pe le lomaki i le temi o Noe : Na kau fakapapau e leaise toe to loa le lomaki ia Noe ki le malama nei ; E kau toe fakapapau foki ke aua na kau toe ita kiate koe, Ti ke aua na kau toe valoki a koe.

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Esaia 59:16

E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Selemia 31:5

E ke toe to loa ni faisaga vite i mauga o Samalia ; E to loa e le kau to laakau, ti e lotou tau loa olatou fua.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Esekiele 20:5

E ke pati loa kia latou : E folafola le Aliki, le Eteleno, o pati : I le aso leia na kau filifili ai Iselaele, na kau siki loku lima ki le sakoga o le fale o Sakopo, ti na kau sa kia latou i le fenua o Esipito ; ti na kau siki loku lima kia latou, o pati : Ko au ko le Eteleno, lokoutou Atua.

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Amosi 9:14

E kau toe aumai loa le kau popula o loku kakai ko Iselaele. E lotou toe laga loa a kolo maumau, ti e lotou nonofo loa i ai. E lotou to loa ni vite ti e lotou inu loa lona vino. E lotou fai loa ni oloto ti e lotou kai loa lona fua.

Tetelonome 28:30

E ke feauaki loa mo se fafine, ti e momoe loa a ia mo se tasi ake tagata ; e ke fakatuu ia loa se fale, ti e leaise ke nofo loa i ai ; e ke to ia loa se vite, ti e leaise ke kai loa ki ai.

Tetelonome 28:31

E tamate loa lau pipi tagata i ou mata, ti e leaise ke kai loa ki ai ; e kaia loa lau asino i ou mata, ti e leaise toe fakaliliu atu loa a ia kiate koe ; e soli loa au ovi ki ou fili, ti e leaise maua loa se tasi ke tokoi atu kiate koe.

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.

Tetelonome 32:40

Talie e kau siki loku lima ki le lagi, Ti e kau pati : E kau mauli o lee gato !