Esaia 62:4 - Tosi Tapu

⁴ E leaise toe fakaigoa loa a koe ko tiakina, Ti e leaise toe fakaigoa loa lou fenua ko lavaki ; Kae e fakaigoa loa a koe : Ko loku fiafiaaga iate ia, Ti e fakaigoa loa lou fenua ko le fafine avaga ; Talie e maua loa e le Eteleno lona fiafia iate koe, Ti e maua loa e le fenua lona avaga.

Esaia 62:4 ပူးပေါင်းရင်းမြစ်များ

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 16:3

Kae ko le kau sagato leia e nonofo i le fenua Mo le kau agatonu, ko le tauaga latou o loku alofa katoa.

Esaia 49:14

Kae na pati Sione : Kua tiaki au e le Eteleno ! Kua galoi au e le Aliki !

Esaia 54:1

Ke ke fakafiafia, fafine paa, a koe leia e leaise koi fanaunau ! Ke ke fakasa lou nekenekea mo lou fiafia, a koe leia e leaise koi mamae lou ganea ! Talie ko vosa o leia na tiakina e toka api ake loa I vosa o le fafine leia na avaga, e pati le Eteleno.

Esaia 60:15

I mua na tiaki a koe ti na vesia kiate koe, Ti na leaise fakalaka se tasi iate koe, Kae i le aso nei e kau fakaliliu loa a koe ko se nea fakateuteu o lee gato, Ko se fiafiaaga ki tautupu mo tautupu.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 62:2

Ti e tio loa a atu puleaga ki lou fakamauli, Ti mo sau fuli ki lou kololia ; Ti e fakaigoa loa a koe ki se igoa foou, Leia e filifili loa e le gutu o le Eteleno.

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Esaia 65:19

E kau fai loa ki Selusalemi loku nekenekeaaga, Ti ki loku kakai ko loku fiafiaaga ; E leaise toe logo loa i ai Ki le logoa o ni tagi ti mo le logoa o kalaga.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Esekiele 36:35

Ti e pati loa : Kua faipe se oloto o Eteni le kele leinei na maumaui ; ti kua toe fakamakeke mo toe nofoi a kolo anei na maumaui ti na titiaki.

Oseo 2:21

E kau liliu loa ko lou avaga o lee gato ; io, e kau liliu loa ko lou avaga i le faitotonu, mo le maoki, ti mo le kalasia, ti mo le manava alofa ;

Oseo 2:22

E kau liliu loa ko lou avaga i le agatonu, ti e ke iloa loa le Eteleno.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Malakia 3:12

E pati loa a puleaga fuli kia koutou, manuia, Talie e kotou liliu loa ko se fenua o nea malilie, E pati le Eteleno o kau tau.

Soane 3:29

Ko leia a ana le fafine avaga, ko le tagata avaga ; kae ko le kaukaunea o le tagata avaga, leia e tuu i ona tafa o logo kiate ia, e logoi e ia se fiafia lasi, o tupu ko le leo o le tagata avaga : koia ko le fiafia lena, leia ko looku foki, kua katoa.

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.

Tetelonome 30:9

E fakaapele loa a koe e le Eteleno, lou Atua, ki nea malilie, ti e fakamanuia loa e ia le gaoi katoa o ou lima, mo fua o lou manava, mo le fua o lau kau manu, mo le fua o lou kele, talie e toe maua loa e le Eteleno lona fiafia i le afa o lou manuia, ofaipe lana maua lona fiafia i le afa o le manuia o ou tamana,

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.

Apokalipisi 21:2

Ti na kau tio loa e ifo mei le lagi, mei tafa o le Atua, le kolo maokioki, le Selusalemi foou, ti kua teuteu a ia ofaipe se taine feauaki leia kua teuteui ki lona avaga.