Esaia 62:2 - Tosi Tapu

² Ti e tio loa a atu puleaga ki lou fakamauli, Ti mo sau fuli ki lou kololia ; Ti e fakaigoa loa a koe ki se igoa foou, Leia e filifili loa e le gutu o le Eteleno.

Esaia 62:2 ပူးပေါင်းရင်းမြစ်များ

Senesi 17:15

Na pati loa le Atua kia Apalaamo : Aua na ke toe soli loa kia Salai lou avaga, le igoa ko Salai ; kae e igoa loa a ia ko Sala.

Senesi 17:5

E leaise toe igoa loa a koe ko Apalamo ; kae e ke igoa loa ko Apalaamo, talie e kau fakaliliu loa a koe ko le tamana o ni puleaga mauke.

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Pesalemo 98:2

Na fakasa e le Eteleno lona fakamauli, Na fakasa e ia lona faitotonu ki mata o atu puleaga.

Esaia 1:26

E kau toe fakanofo loa ou tui fakamaau ofaipe le temi mua, Ti mo ou kau fono ofaipe le kamataaga. I le oki o le nea aia, e fakaigoa loa a koe ko le kolo o le faitotonu, Kolo agatonu.

Esaia 26:2

Kotou fakamavaa a matapa, Kotou tuku ke ulu le puleaga maokioki mo agatonu.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 56:5

E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Esaia 60:11

E mavaa tuumau loa ou matapa, E leaise lotou toe mapono loa i le ao mo le pouli, O tupu ke tuku ke ulu mai kiate koe a koloa fufu o atu puleaga, Ti mo olatou sau mo olatou famili.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Esaia 61:9

E iloa loa lolatou lanu i atu puleaga, Ti e logo loa lolatou sakoga i lotolotoga o kakai ; Ti ko latou fuli ala e tio loa kia latou e fakamaoki loa Ko latou ko se lanu tapuakina e le Eteleno.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 62:4

E leaise toe fakaigoa loa a koe ko tiakina, Ti e leaise toe fakaigoa loa lou fenua ko lavaki ; Kae e fakaigoa loa a koe : Ko loku fiafiaaga iate ia, Ti e fakaigoa loa lou fenua ko le fafine avaga ; Talie e maua loa e le Eteleno lona fiafia iate koe, Ti e maua loa e le fenua lona avaga.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Esaia 66:11

O tupu ke fagai koutou ke makokona Ki le sua u o ana fakapelepele, O tupu ke kotou mimiti i le fiafia Le apele katoa o lona kololia.

Esaia 66:12

Talie e folafola le Eteleno : Ko leinei, e kau tuku loa kiate ia le tokamalie ofaipe se vaitafe, Ti mo le kololia o atu puleaga ofaipe se vaitafe lau lasi. E fakau loa koutou, E luluku loa koutou i lima, Ti e amoamo loa koutou i tuli.

Esaia 66:19

E kau tuku loa se fakamailoga ia latou, Ti e kau kakau loa latou ala na sao ia latou ki atu puleaga, Ki Talesisi, ki Pule mo Lute, ala e faikalolo, Ki Tupale mo Savani, Ki atu motu mamao, Ala na leikiaise logo masau kiate au i se aso, Ti na leikiaise tio ki loku kololia ; Ti e lotou fakasa loa loku kololia i atu puleaga.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Gaoi 11:26

ti i lana maua a ia, na taki mai loa e ia a ia ki Atiokia. I le lolotoga o se fetuu katoa e tasi, na la kau loa ki fakatasi a le Ekelesia ti na la ako loa se kakai toka api ai. I Atiokia, na uluaki fakaigoa ai le kau tisipulo ko le kau kilisiteano.

Gaoi 26:23

ke iloa e tonu ke mamae le Kilisito, ti ke toe tuuake a ia ko le uluaki mei le kau mate, ti e fakasa loa e ia le malama ki lotatou kakai ti mo atu puleaga.

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.

Apokalipisi 3:12

Ko leia e malo loa, e kau fakatuu loa a ia ko se fa pou lasi i le fale tapu o loku Atua, ti e leaise toe mavae loa a ia mei ai ; e kau tosi loa iate ia le igoa o loku Atua, ti mo le igoa o le kolo o loku Atua, o le Selusalemi foou leia e ifo mei le lagi mei tafa o loku Atua, ti mo loku igoa foou.