Esaia 61:8 - Tosi Tapu

⁸ Talie ko au, le Eteleno, e kau alofa ki le faitotonu, E kau vesia ki le kaia mo le agaveli ; E kau soli loa kia latou lolatou fakapale totonu, Ti e kau fai loa mo latou se sai lee gato.

Esaia 61:8 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Lua tosi a Samuele 23:5

Pe leaise fenaaki loku fale i mua o le Atua, Talie kua fai e ia mo au se sai lee gato, Leia kua fakatuutuu ona lekula fuli ke taupau ia a ia ? Pe leaise fakasomo loa e ia loku fakamauli katoa mo oku oli fuli ?

Pesalemo 105:10

Na fakatuu e ia a ia ko se lao kia Sakopo, Ko se sai lee gato ki Iselaele,

Pesalemo 11:7

Talie e faitotonu le Eteleno, e alofa a ia ki le faitotonu. E tio a tagata maokioki ki ona mata.

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Pesalemo 33:5

E alofa a ia ki le faitotonu mo le maoki ; E apele le malama nei i le agamalie o le Eteleno.

Pesalemo 37:28

Talie e alofa le Eteleno ki le faitotonu, Ti e leaise tiaki e ia lana kau agatonu : E taupau tuumau e ia latou. Kae e motusi e ia le sakoga o le kau agaveli.

Pesalemo 45:7

Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Pesalemo 50:5

Ke kotou fakatasi mai kiate au aku kau agatonu, Latou ala na fai ia se sai mo au i le sakilifisio !

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Pesalemo 99:4

Ke fakamalo ki le makeke o le sau leia e alofa ki le faitotonu ! E ke fakamakeke le maokioki, E ke fai le faitotonu mo le maoki i le fale o Sakopo.

Taagapati 3:6

Ke ke fanaki kiate ia i ou ala fuli, Ti e fakatokatoka loa e ia ou ala.

Taagapati 8:20

E kau saele i le ala o le faitotonu, I loto malie o ala o le maokioki,

Esaia 28:17

E kau fai loa ki le loto sako se lekula, Ti mo le maokioki se nivo ; Ti e maumaui loa e le ua fatu le solaaga o le kaka, Ti e lofia loa i le vai le mumuniaga o le loi.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 5:16

Kae e siki loa ki aluga le Eteleno o kau tau i lana fakamaau, Ti e fakamaokioki loa le Atua maokioki i le faitotonu.

Esaia 54:10

Talie e pupuli loa a mauga, Ti e sisiga loa a mauga liliki, Kae e leaise puli loa loku alofa kiate koe, Ti e leaise fetogi loa laku sai o le tokamalie, E pati le Eteleno, leia e alofa kiate koe.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 56:1

Ko leinei le folafola a le Eteleno : Kotou tausi le nea leia e maoki, Kotou fai le nea leia e totonu ; Talie e leaise tuvai loa le au o laku fakamauli Ti mo le fakasa o laku faitotonu.

Esaia 66:22

Talie, ofaipe le lagi foou Mo le kele foou ala ka kau fakatupu loa E tutuu loa i oku mua o lee gato E tutuu loa lokoutou sakoga mo lokoutou igoa i oku mua o lee gato.

Selemia 32:40

E kau fai loa mo latou se sai lee gato, E leaise kau toe mafuli kese loa ia latou, E kau fai loa kia latou le nea leia e malie ; Ti e kau tuku loa ki olatou loto le i kiate au, O tupu ke aua na lotou fakamamao iate au.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Esekiele 16:60

Kae e kau toe manatui loa laku sai mo koe i le temi o lou ikiiki, ti e kau toe fai loa mo koe se sai lee gato.

Esekiele 34:25

E kau fai loa mo latou se sai o le tokamalie, ti e kau fakapuli loa i le fenua a manu fekai ; ti e nofo loa aku ovi i le fimalie i le toafa, ti e lotou momoe loa i loto o vaomatua.

Malakia 1:13

E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Lua tosi ki le kau Tesalonika 3:5

Ke takitaki e le Aliki okoutou loto ki le alofa o le Atua ti mo le kataki fualoa o Kilisito !