Esaia 61:3 - Tosi Tapu

³ Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 61:3 ပူးပေါင်းရင်းမြစ်များ

Esitele 8:15

Na mavae loa Maletoseo i le fale o le sau, mo se kofu fakasau usi mo tea, mo se pala aulo lasi, ti mo se taupulupulu mauiga lanu kula. Na kalaga fakafiafia loa le kolo ko Suse ti mo nekenekea.

Esitele 9:22

ofaipe ni aso ala na malolo ai le kau Sutea i olatou fili, ke lotou fakamanatu le masina leia na fetogi ai lolatou mamae ki le fiafia, lolatou tagi ki se aso malie, ke lotou fai ki aso ana ni aso kai mo fakafiafia, ti ke lotou fai ni nea alofa ia latou mo ni nea alofa ki le kau mativa.

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 23:5

E ke teuteu se laupapa i oku mua ; I mata o oku fili ; E ke pani lolo loku ulu, Ti e apele pipi loku ipu.

Pesalemo 30:11

Fakalogo mai, Eteleno, alofa mai kiate au ! Eteleno, fakamauli au !

Pesalemo 30:12

Ti na ke fetogi aku tagi ki se fiafia lasi, Na ke tatala loku kofu mamae, kae na ke toi au ki le fiafia,

Pesalemo 45:7

Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Ekelesiasi 9:8

Ke tetea tuumau ou kofu, ti ke aua na mativa le lolo i lou fa ulu.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 26:2

Kotou fakamavaa a matapa, Kotou tuku ke ulu le puleaga maokioki mo agatonu.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Selemia 31:13

Ti e mako fiafia loa taineliki, E toe fiafia foki a kau tupulaga mo kau matua ; E kau fetogi loa lolatou mamae ki le nekenekea ti e kau fakapelepele loa latou ; E kau soli loa kia latou le fiafia i le oki o mamae.

Esekiele 34:29

E kau fakatuu loa kia latou se faisaga laakau leia e logologona loa ; ti e leaise toe pakupaku loa aku ovi i le fenua, ti e leaise lotou toe amo loa le luma o puleaga.

Esekiele 47:7

I le oki o lana aumai au ki le laugutu o le vaitafe, ko leinei, na i ai i le laugutu o le vaitafe ni laakau mauke ai.

Sakalia 3:5

Na kau pati loa : Ke teki ki lona ulu se pala mea ! Ti na lotou teki loa se pale mea ki lona ulu, ti na lotou tui loa kiate ia ni kofu. Na tuu ofi i ai le aselo o le Eteleno.

Mateo 15:13

Na tali loa Sesu : Ko ga laakau fuli ala na leaise to e loku Tamana i Selo e taaki loa.

Mateo 5:16

Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Luka 15:22

Kae na pati loa le tamana ki ana tagata fakasausau : Kotou aumai vave le kofu fulumalie oki, ti kotou tui a ia kiate ia ; kotou velo mo se mama ki lona maikao, ti kotou tui mo ni taka ki ona vae.

Soane 15:8

Kapau e kotou fua o lasi ai, e fakakololia loa i ai loku Tamana, ti e kotou liliu loa i ai ko aku tisipulo.

Soane 16:20

E maoki, e maoki, e kau pati atu kia koutou, e kotou fetagisi loa ti e kotou lauga loa, kae e fiafia loa le malama nei : E kotou nonofo loa i le mamae, kae e fetogi loa lokoutou mamae o fiafia.

Uluaki tosi ki le kau Kolinto 3:9

Talie e ma kau gaoi mo le Atua. Ko koutou ko le faigasaga a le Atua, le fale o le Atua.

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Lua tosi ki le kau Tesalonika 1:10

mo ka au loa a ia i le aso a ia ke fakakololiai a ia i lana kau sagato, ti ke tio kiate ia latou fuli ala na tui kiate ia ; talie kua kotou tui ki lamatou fakamaoki ia koutou.

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.