Esaia 61:2 - Tosi Tapu

² Ke fakasa se fetuu o le kalasia o le Eteleno, Ti mo se aso o le sausau o lotatou Atua ; Ke fakapelepele latou fuli ala e mamae ;

Esaia 61:2 ပူးပေါင်းရင်းမြစ်များ

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 34:2

Talie kua mamae le Eteleno ki atu puleaga fuli, Ti ka vilo lona sausau ki alatou kau solia fuli : Kua tuku e ia latou ke maumaui, Kua tuku e ia latou ke tamate.

Esaia 34:8

Talie ko se aso o le totogi ki le Eteleno, Ko se fetuu o le liufaki o nea ala na fai ki Sione.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 40:1

Kotou fakafimalie, kotou fakafimalie loku kakai ! E pati lokoutou Atua.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Esaia 58:5

Pe ko le sesunio lena e kau maua ai loku fiafia, Se aso leia e fakamamae ai e le tagata lona laumalie ? Ko le peluki le ulu ofaipe se fa u, Ti mo le moe i le taga mo le mugalafu, Pe ko le nea lena e ke fakaigoa loa ko se sesunio, Se aso malie ki le Eteleno ?

Esaia 60:10

E toe laga loa e vosa o le tagata matapule ou paa, Ti e liliu loa olatou sau ko au tagata fakasausau ; Talie na kau taai a koe i loku sausau, Kae i loku manava alofa na kau alofa kiate koe.

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Selemia 31:13

Ti e mako fiafia loa taineliki, E toe fiafia foki a kau tupulaga mo kau matua ; E kau fetogi loa lolatou mamae ki le nekenekea ti e kau fakapelepele loa latou ; E kau soli loa kia latou le fiafia i le oki o mamae.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Mikea 3:8

Kae ko au, e kau apele i le makeke, i le Laumalie o le Eteleno ; E kau apele i le faitotonu ti mo le loto makeke, Ke fakasa kia Sakopo lana agaveli, Kia Iselaele lana agasala.

Mateo 5:4

Manuia latou ala e loto mamae, talie e fakapelepelei loa latou !

Luka 4:19

Ke fakasa le saofaki ki le kau popula, Ti mo le mavaa o mata ki le kau kivi, Ke kakau ke ano i le lauatea latou na taomia, Ke fakasa se fetuu o le kalasia o le Aliki.

Luka 6:21

Manuia koutou ala e fia kai i le lakaga nei, talie e kotou makokona loa ! Manuia koutou ala e tagi i le lakaga nei, talie e kotou fiafia loa !

Lua tosi ki le kau Kolinto 6:2

Talie e pati i le Tosi : I le temi faigamalie na kau tali a koe, Ile aso o le fakamauli na kau tokoi kiate koe. Tio, ko leinei le temi faigamalie ; Tio, ko leinei le aso o le fakamauli.

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.