Esaia 61:11 - Tosi Tapu

¹¹ Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Esaia 61:11 ပူးပေါင်းရင်းမြစ်များ

Senesi 1:11

Ti na pati loa le Atua : Ke somo i le kele se vao sesega, mo ni mutie o tasi mo ia lona pulapula, ti mo ni laakau fua o tasi mo ia lona fakaili, o mulimuli ki lona faasiga. Ti na soko loa le nea lena.

Pesalemo 72:16

E lasi loa le fulumeto i le fenua, i le tumutumu o mauga, Ti e taugaoi loa olatou taulu fulumeto ofaipe laakau o Lipane ; E se loa a tagata i kolo ofaipe le mutie o le fenua.

Pesalemo 72:3

E ave loa e mauga lalasi le tokamalie ki le kakai, Ti mo mauga liliki foki, o tupu ko lou faitotonu.

Pesalemo 85:11

E fetaulaki le agamalie mo le agatonu, E fesogiaki le faitotonu mo le tokamalie ;

Katiko o Katiko 4:16

Malaga ki aluga, matagi tokelau ! au, matagi toga ! Kolua agi ki loku oloto, ti ke mafuta mei ai ona kaloni ! Ti ke ulu loku mamanaaga ki lona oloto, ti ke kai a ia ki ona fua malilie !

Esaia 4:2

I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 45:24

E lotou pati mai loa kiate au : Ko le Eteleno toka tasi leia e maua ai le faitotonu mo le makeke ; Ko latou fuli ala na itaita kiate ia E toe liliu mai loa kiate ia i le luma.

Esaia 45:8

Ke ifo a atu lagi mei aluga Ti ke tuku e ao ke sali le faitotonu ! Ke mavaa le kele, ke tupu i ai le fakamauli, Ti ke toe tupu foki i ai le faitotonu ! Ko au, le Eteleno, e kau fakatupu ia a nea ana.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 48:18

Oi, amusia ake ke ke tokaga ki aku folafola ! E ifo loa kiate koe ni tapuakina ofaipe se vaitafe, Ti e au loa kiate koe le manuia ofaipe ni galu o le tai !

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 62:1

I loku alofa ki Sione e leaise kau fakalologo loa, I loku alofa ki Selusalemi e leaise kau malolo loa, O kaku ki le sa o lona fakamauli, ofaipe le mafoata, Ti mo lona saofaki, ofaipe se taume leia e ulaula.

Esaia 62:2

Ti e tio loa a atu puleaga ki lou fakamauli, Ti mo sau fuli ki lou kololia ; Ti e fakaigoa loa a koe ki se igoa foou, Leia e filifili loa e le gutu o le Eteleno.

Esaia 62:7

Ti ke aua na kotou tuku se malolo kiate ia i se lakaga, O kaku ki lana toe fakatuu Selusalemi ke tuu mau, Ti mo lana fakaliliu a ia ke kololia ia i le malama nei.

Mateo 13:23

Ko leia na tali ia le fakaili i le kele malie, ko leia e logo ki le folafola ti e matala ki ai ; e fua a ia, ti e fua se fa fuai fakaili e tasi o kau lelau, ti ko se tasi o kau ono, ti ko se tasi o kau tolu.

Mateo 13:3

Na masau loa a ia kia latou ki ni nea mauke ai, i ni folafola fakatata, o pati :

Mateo 13:8

Na maluku loa se tasi a potu ki le kele malie : Na fua a ia, o taki kau lelau a iki, ti taki kau ono a iki, ti taki kau tolu a iki.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,