Esaia 61:1 - Tosi Tapu

¹ E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esaia 61:1 ပူးပေါင်းရင်းမြစ်များ

Pesalemo 102:20

Talie e tio a ia mei le ganea taualuga o lona maokioki ; Mei aluga o le atu lagi, e tio le Eteleno ki le malama nei,

Pesalemo 147:3

E fakamauli e ia latou ala e loto fatifati, E sai e ia olatou lavea.

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 2:6

Ko au leia na pani lolo ia loku sau, I Sione, loku mauga maokioki !

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 25:9

E taki e ia le kau agamalu i le faitotonu. E ako e ia lona ala ki le kau agamalu.

Pesalemo 34:18

Ka tagi le kau agatonu, e logo le Eteleno, Ti e fakamauli e ia a ia i ona mamae fuli.

Pesalemo 45:7

Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Pesalemo 51:17

Aliki, fakamavaa oku laugutu, Ti e fakasa loa e loku gutu lou fakavikiviki.

Pesalemo 68:7

E soli e le Atua se famili kia latou ala na tiaki, E saofaki e ia le kau popula ti e fakafiafia e ia latou ; E gato fuai ki le kau agatuu e nonofo i ni potu malo.

Pesalemo 69:32

E malie le nea lena ki le Eteleno, o lasi ake i se pipi tagata Mo ona tala ti mo ona taga vae.

Ekesote 28:41

E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Ekesote 29:7

E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Esaia 29:19

E fiafia loa le kau fakaaloalofa i le Eteleno, Ti e nekenekea loa le kau mativa o tupu ko le Sagato o Iselaele.

Esaia 30:19

Io, kakai o Sione, kakai o Selusalemi, E leaise ke toe tagi loa ! E soli atu loa e ia kiate koe lona kalasia, mo ka ke kalaga loa ; I le temi fai leia e logo ai loa a ia ki lau kalaga, e tali atu loa a ia kiate koe.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Esaia 48:16

Kotou fakafeofi mai kiate au, ti kotou fakalogo ! Talu mei le kamataaga, na leaise kau masau fakafufu ; Talu mei le kamataaga o nea ana, na kau nofo i ai. Kae i le aso nei, ko le Aliki, le Eteleno, na kakau mai au mo lona Laumalie.

Esaia 49:9

Ke fakasa ia ki le kau popula : Kotou mavae ! Ti mo latou ala e nonofo i le fakapouli : Kotou au ki le malama ! E lotou fai loa pe se kau manu leia e kai i ala, Ti e lotou maua loa ni faisaga mutie sesega i mauga fuli.

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Selemia 34:8

Na tuku loa le folafola a le Eteleno kia Selemia, i le oki o le fai e le sau ko Setesiasi se fakapapau mo le kakai katoa o Selusalemi, ke fakasa le lauatea,

Selemia 52:33

Na fakatotonu loa e ia ke fetogi ona kofu mei le pilisoni, ti na kai tuumau loa Sosakini i le laupapa o le sau i le temi katoa o lona mauli.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Levitiko 7:35

Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Mikea 3:8

Kae ko au, e kau apele i le makeke, i le Laumalie o le Eteleno ; E kau apele i le faitotonu ti mo le loto makeke, Ke fakasa kia Sakopo lana agaveli, Kia Iselaele lana agasala.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 3:16

I le oki o lona papitema, na mavae loa Sesu mei le vai. Ti ko leinei, na mavaa loa le atu lagi, ti na tio loa a ia ki le Laumalie o le Atua e ifo mai ofaipe se lupe tea, o au kiate ia.

Luka 7:22

Ti na tali loa Sesu kia laua : Kolua ano o fakamatala kia Soane le nea leia kua kolua tio mo logo ki ai : Kua tio a kivi, kua saele a kito, kua mea a kilia, kua logo a tuli, kua toe tuuake a mate, kua fakasa le logo malie ki le kau mativa.

Soane 1:41

Ko ia foki leia na uluaki felavei mo lona taina ko Simone, ti na pati loa kiate ia : Kua ma maua le Mesia (ko lona uiga, ko le Kilisito).

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Gaoi 4:27

Talie e maoki na fakatasi Elote, mo Posio Pilato i le kolo leinei, mo atu puleaga, ti mo kakai o Iselaele, o agatuu ki lau tagata fakasausau maokioki ko Sesu, leia na ke fakanofo,

Lua tosi ki le kau Kolinto 3:17

Ti ko le Aliki ko le Laumalie ; ti i le ganea leia e i ai le Laumalie o le Aliki, e i ai foki le lauatea.

Lua tosi ki le kau Kolinto 7:6

Kae ko le Atua, leia e fakafimalie ia latou ala kua tiaki ki lalo, na fakafimalie ia maua ki le kaku mai a Tito,

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.