Esaia 60:9 - Tosi Tapu

⁹ Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Esaia 60:9 ပူးပေါင်းရင်းမြစ်များ

Senesi 9:27

Ke fakalasi e le Atua a koloa o Safeti, ti ke agai a ia i falela o Semi, ti ke fakasausau a Kanaane kia Safeti !

Uluaki tosi o Sau 10:1

Na logo loa le fafine sau o Sepa ki le logologona o Salomone mo le kololia o le Eteleno, ti na au loa a ia ke asiasii a ia ki ni vesili faigataa.

Uluaki tosi o Sau 10:22

Talie na maua e le sau ni vaka i le tai ala na ano ki Talesisi mo vaka o Ilame ; ti na toe liliu mai loa a vaka mei Talesisi i fetuu tolu fuli, mo ni uta ko aulo, mo siliva, mo lei, mo geli, ti mo manu lele fulumalilie.

Uluaki tosi o Sau 22:48

I le temi lena na leai se sau i Etome : ko se kovana leia na pule i ai.

Uluaki tosi o Sau 8:41

Kapau e au loa mei se fenua kese le matapule, leia e leaise kau i lou kakai ko Iselaele, o tupu ko lou suafa,

Pesalemo 48:7

I ai na maua loa latou e se lulu, Ofaipe le fafine tinae leia na laga lona ganea.

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Pesalemo 97:1

E sau le Eteleno ; ke fiafia lasi le malama nei ; Ke fiafia a atu motu mauke !

Ekesote 33:19

Na tali loa le Eteleno : E kau saele loa i ou mua ti e kau fakasa loa kiate koe loku agamalie katoa, ti e kau kalagai loa i ou mua le suafa o le Eteleno ; e kau soli loku alofa ki leia e kau alofa ki ai, ti e kau manava alofa ki leia e kau manava alofa ki ai.

Taagapati 18:20

E fakamakona e le tagata lona tino ki le fua o lona gutu ; Ti e fakamakona e ia a ia ki le fua o ona laugutu.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 2:16

Ki vaka faikoloa fuli o Talesisi, Ti mo nea fuli ala e fulumalie ki le mata.

Esaia 24:15

Koia ke kotou fakakololia ki le Eteleno i ganea fuli ala e mu ai le malama, Io, ki le suafa o le Eteleno, le Atua o Iselaele, i atu motu o le tai !

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Esaia 43:4

Talie e ke mauiga ki oku mata, Talie e ke lasi kiate au ti e kau alofa kiate koe, E kau soli ni tagata ke fetogi ai a koe, Ti mo ni kakai ke totogi ai lou mauli.

Esaia 43:6

E kau pati loa ki le noleto : Soli mai ! Ti e kau pati loa ki le potu saute : Aua na taofi ! Kotou aumai oku vosa mei fenua mamao, Ti mo oku taineliki mei potupotu o le malama nei,

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 49:22

Koia na folafola ai le Aliki, le Eteleno : Ko leinei, e kau siki loa loku lima ki atu puleaga, E kau toso loa laku manumanu ki atu kakai ; Ti e lotou aumai loa ou vosa i olatou lima, Ti e lotou amo loa ou taineliki i olatou tuauma.

Esaia 51:5

Kua ofi fua laku faitotonu, ti kua vave sa fua laku fakamauli, Ti e fakamaau loa e oku lima a kakai ; E amanaki malie loa a atu motu kiate au, E lotou fanaki loa ki loku lima.

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 57:17

O tupu ko lona manumanu agasala, na kau ita ti na kau taai a ia ; Na kau mumuni i loku mamae ; Ti na muli le tagata agatuu i le ala o lona loto.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Esaia 60:6

E ke apele loa i kamelo, I kamelo o Matiane mo Efa ; E lotou au fuli loa mei Sapa ; E lotou fetuku mai loa le aulo mo le iseso, Ti e lotou fakasa loa a fakavikiviki o le Eteleno.

Esaia 66:12

Talie e folafola le Eteleno : Ko leinei, e kau tuku loa kiate ia le tokamalie ofaipe se vaitafe, Ti mo le kololia o atu puleaga ofaipe se vaitafe lau lasi. E fakau loa koutou, E luluku loa koutou i lima, Ti e amoamo loa koutou i tuli.

Selemia 3:17

I aso ana, e fakaigoa loa Selusalemi ko le agaiaga o le Eteleno. E fakatasi loa a puleaga fuli o le malama nei ki Selusalemi, i le suafa o le Eteleno, Ti e leaise lotou toe mulimuli loa ki oli o lolatou loto veli.

Selemia 30:19

E malaga ake loa ia latou ni fakafetai, Ti mo ni kalaga fakafiafia ; E kau liuliuga loa latou, ti e leaise lotou toe lavaki loa ; E kau fakamauiga loa latou, ti e leaise fakanoai loa latou.

Esekiele 39:7

E kau fakasa loa loku suafa maokioki i loto malie o loku kakai ko Iselaele, Ti e leaise kau toe tuku loa ke fakakelekele loku suafa maokioki ; Ti e iloa loa e atu puleaga ko au ko le Eteleno, Ko le Maokioki o Iselaele.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Mikea 7:12

I le aso lena, e au loa au fanau kiate koe, Mei Asilia mo kolo o Esipito, Mei laugutu o vaitafe o Esipito, Mei se tai ki se tasi a tai, mei se mauga ki se tasi mauga.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Sakalia 14:14

E tau loa a Suta i Selusalemi, Ti e tanaki loa a koloa o puleaga fuli ala e takatakai ia Selusalemi : Le aulo, mo le paaga, mo ni kofu, o lasi ai.

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Kalate 3:26

Talie ko vosa fuli koutou o le Atua i le tui kia Sesu-Kilisito ;

Kalate 4:26

Kae ko le Selusalemi mei aluga e lauatea, ko lotatou tinana a ia ;

Sosue 9:9

Na lotou tali loa kiate ia : e au au tagata fakasausau mei se fenua mamao ai i le logo ki le logologona o le Eteleno lou Atua ; talie na motou logo masau kiate ia, ki nea fuli ala na fai e ia i Esipito,