Esaia 60:6 - Tosi Tapu

⁶ E ke apele loa i kamelo, I kamelo o Matiane mo Efa ; E lotou au fuli loa mei Sapa ; E lotou fetuku mai loa le aulo mo le iseso, Ti e lotou fakasa loa a fakavikiviki o le Eteleno.

Esaia 60:6 ပူးပေါင်းရင်းမြစ်များ

Senesi 10:7

Ko vosa o Kusi : Ko Sapa, mo Avila, mo Sapita, mo Laema, mo Sapeteka. Ko vosa o Laema : ko Sepa mo Tetane.

Senesi 25:13

Ko nei a igoa o vosa o Isemaele, o mulimuli ki lolatou tupu : Ko le vosa uluaki o Isemaele ko Nepasote mo Keta, mo Atepeele, mo Mipesame,

Uluaki tosi o Sau 10:2

Na kaku mai loa a ia ki Selusalemi mo lana kau fanoga toka api, ti mo se kau kamelo leia na amo ia ni nea fakamanogi, mo se aulo lasi ai, ti mo ni fatu mauiga. Na ano loa a ia kia Salomone, ti na fakasa loa e ia kiate ia a nea fuli ala na maua e ia i lona loto.

Lua tosi o Sau 8:9

Na ano loa Asaele o fakafetaulaki kia Eliseo, mo se nea alofa i lona lima, leia na too mei nea malilie fuli i Tamaso, ko amoga a kamelo e kau fa. I lana kaku atu, na ano loa a ia ki mua o Eliseo, o pati : Kua kakau mai au e lou vosa ko Pene-Atate, sau o Silia, ke pati atu kiate koe : Pe kau mauli loa mei le masaki leinei ?

Uluaki tosi o Koloniko 1:33

Vosa o Matiane : Ko Efa, mo Efele, mo Enoke, mo Apita, mo Eletaa. Ko vosa fuli ana o Ketula.

Lua tosi o Koloniko 9:1

Na logo loa le fafine sau o Sepa ki le logologona o Salomone, ti na au loa a ia ki Selusalemi ke asiasii le poto o Salomone ki ni vesili faigataa. Na au a ia mo se toka api o ana kau tagata fakasausau, mo se kau kamelo leia na fetuku ia ni nea fakamanogi, mo se aulo lasi ai, ti mo ni fatu mauiga. Na ano loa le fafine sau o Sapa ki le sau ko Salomone, ti na fai loa e ia kiate ia ana vesili fuli ala na maua i lona loto.

Pesalemo 67:4

E fakafetai a kakai fuli kiate koe, ei Atua ! E fakafetai a kakai fuli kiate koe.

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Pesalemo 72:15

E lotou mauli loa, ti e lotou soli loa kiate ia se aulo mei Sepa ; E lotou ulufaki tuumau loa a ia, e lotou fakamalo loa kiate ia i aso fuli.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Esekiele 27:22

Na fai koloa Sepa mo Laema mo koe ; Na lotou fakatau kiate koe ni nea fakamanogi mauiga kesekese, ni fatu mauiga kesekese, mo le aulo.

Sofoni 3:10

Mei leia atu fetuu o vaitafe o Etiopia, E aumai loa e laku kau atolasio, laku kau mavetevete, ni moliga kiate au.

Sakalia 14:16

Ko latou fuli ala e toe loa i atu puleaga fuli Ala na ano o tau ki Selusalemi E pale loa i fetuu fuli O atolasio ki le sau, le Eteleno o kau tau, Ti mo fakamanatu le aso o tapenakulo.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 2:11

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.

Loma 15:9

kae ke toe fakafetai foki le kau pagani ki le Atua, i lona manavaalofa kia latou, ofaipe lona tuu i le Tosi : Koia e kau fakavikiviki loa kiate koe i atu puleaga, Ti e kau sua loa ki le kololia o lou suafa.

Tetelonome 32:43

Atu puleaga, ke kotou sua a fakavikiviki o lona kakai ! Talie e taui e le Eteleno le toto o ana tagata fakasausau, E tautea e ia ona fili, Ti e fai e ia le fakamolemole o agasala ki lona fenua, mo lona kakai.

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Tuifakamaau 6:5

Talie na lotou pale loa mo alatou kau manu ti mo olatou falela, na lotou ano ofaipe se ao seseivaka, na lotou api lasi ai, latou mo olatou kamelo, ti na lotou au loa ki le fenua ke maumaui a ia.

Tuifakamaau 7:12

Na mafola loa Matiane, mo Amaleke, ti mo le kakai o le Esite i le vaivailiua, ofaipe se ao seseivaka i lolatou api, ti na lasi olatou kamelo ofaipe le one o le mata tai.