Esaia 60:5 - Tosi Tapu

⁵ Ti e ke soposopo loa i le fiafia, ti e ke fakafiafia loa ; E ta vave loa lou mafu ti e makita loa a ia i le fiafia, Mo ka tau mai loa a koloa o le tai kiate koe, Mo ka kaku mai loa a koloa o atu puleaga kiate koe.

Esaia 60:5 ပူးပေါင်းရင်းမြစ်များ

Pesalemo 119:32

E kau makape i le ala o au lao, Talie e ke fakalaulasi loku loto.

Pesalemo 34:5

Na kau afa le Eteleno, ti na tali mai a ia kiate au, Na fakamauli e ia au i oku mamae fuli.

Esaia 23:18

Kae e fakatapu loa ona koloa mo lona totogi kelekele ki le Eteleno. E leaise toe tanaki loa latou, pe taupau loa latou ke tologa, Talie e fakaaoga loa lona totogi kia latou ala e nonofo i mua o le Eteleno Ke totogi ai ni nea kai malilie ti mo ni kofu fulumalilie.

Esaia 54:2

Fakalasi lou falela ; Folasi a puipui o lou nofoaga : Aua na ke tataofi ! Fakaloloa ou maea, Ti fakamakeke ou pou !

Esaia 60:11

E mavaa tuumau loa ou matapa, E leaise lotou toe mapono loa i le ao mo le pouli, O tupu ke tuku ke ulu mai kiate koe a koloa fufu o atu puleaga, Ti mo olatou sau mo olatou famili.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Esaia 66:12

Talie e folafola le Eteleno : Ko leinei, e kau tuku loa kiate ia le tokamalie ofaipe se vaitafe, Ti mo le kololia o atu puleaga ofaipe se vaitafe lau lasi. E fakau loa koutou, E luluku loa koutou i lima, Ti e amoamo loa koutou i tuli.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Mateo 25:16

Ko leia na tali ia a fa tenalio e lima na ano aifai a ia, o fakagaoii latou ke fua, ti na toe maua loa e ia ni iki ake fa tenalio e lima.

Gaoi 10:45

Ti na punamauli loa le kau agatonu silikosisio leia na au mo Petelo, o tupu kua toe tufaki foki le nea alofa o le Laumalie Maokioki ki le kau pagani.

Gaoi 11:17

Ko leinei kua soli foki e le Atua kia latou le nea alofa e tasi, leia na fai e ia kia tatou ala na tui ki le Aliki ko Sesu-Kilisito, ti ko ai au, ke kau taofi le Atua ?

Gaoi 24:17

I le oki o laku puli i ni fetuu mauke ai, na kau au loa o fai ni nea alofa ki loku puleaga, ti mo fai ni moliga.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 15:26

Talie na loto malie a fetaina o Masetonia mo Akaia ke fai se tanaki koloa ki le kau mativa o le kau sagato i Selusalemi.

Lua tosi ki le kau Kolinto 10:15

E leaise ma fakakololia i ni gaoi a ni iki ake ala e tuu i tafa oma koiga. Kae e ma maua le amanaki malie, mo kapau e tupu loa o lasi lakoutou tui, ke ma liliu o toe lasi ake ia koutou, i loma faisaga totonu,

Tetelonome 33:19

E la kalagai loa a kakai ki le mauga ; I ai, e lotou momoli loa ni sakilifisio o le faitotonu, Talie e lotou mimiti loa a koloa o le tai, Ti mo koloa fufu i le one.

Apokalipisi 21:24

Ti e saele loa a puleaga i lona malama, ti e aumai loa e sau o le malama nei olatou kololia ki ai.

Apokalipisi 21:26

Ti e aumai loa ki ai le kololia mo le fakaapaapa o puleaga.

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.