Esaia 60:22 - Tosi Tapu

²² E liliu loa leia e ikiiki ko se tino afe, Ti ko leia e gaegae ko se puleaga makeke. Ko au, le Eteleno, e kau fakavave loa a nea ana i lona temi.

Esaia 60:22 ပူးပေါင်းရင်းမြစ်များ

Esaia 10:22

Ei Iselaele, pe lasi loa lou kakai ofaipe le one o le mata tai, Ko se ga toetoega fai e toe liliu loa ; Kua fakapapau le maumau, e fakalaka loa a ia i le fakamaau.

Esaia 5:19

Ti e pati : ke fakatavili a ia, ke fakatavili lana gaoi O tupu ke motou tio ki ai ! Ke kaku mai la le fakamaau a le Sagato o Iselaele, ti ke fakasoko a ia Talie ke motou tio ki ai !

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Esaia 66:8

Ko ai na logo ki se nea felaaki i se aso ? Ko ai na tio ki se nea felaaki i se aso ? Pe feala ke tupu se fenua i se aso e tasi ? Pe feala ke fanaui se puleaga i se faiaga e tasi ? Koi kamata atu lana gaoi, kae na fanaui e Sione ona vosa !

Taniela 2:35

Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Gaoi 5:14

Ti na tui se kakai toka api ki le Aliki, tagata mo fafine, ti na lotou ulu o toe fakaapi latou.

Epelo 10:36

Talie e aoga kia koutou le kataki fualoa, o tupu, ka oki loa lakotou fai le finegalo o le Atua, ke kotou maua le nea leia kua fakapapau atu kia koutou.

Lua tosi a Petelo 3:8

Kae e i ai se nea, ei alofaaga, e leaise tonu ke kotou galoi : i mua o le Aliki e tatau se aso e tasi mo ni fetuu e afe, ti e tatau fetuu e afe mo se aso e tasi.

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.