Esaia 60:21 - Tosi Tapu

²¹ E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 60:21 ပူးပေါင်းရင်းမြစ်များ

Lua tosi a Samuele 7:10

na kau soli se nofoaga ki loku kakai, ki Iselaele, ti na kau to a ia ke tuumau ti ke aua na toe galulu, ti ke aua na toe fakavelivelii a ia e le kau agaveli ofaipe mua,

Pesalemo 37:11

E maua e le kau mativa le fenua, Ti e lotou fiafia lasi i le tokamalie.

Pesalemo 37:18

E iloa e le Eteleno a aso o le kau agatonu ; Ti e tologa olatou tofiga o lee gato.

Pesalemo 37:22

Talie ko latou ala e tapuaki e le Eteleno e maua ia le fenua ; Ti ko latou ala e fakamalaia e ia e motusi loa.

Pesalemo 37:29

E maua loa e le kau agatonu le fenua, Ti e lotou nonofo loa i ai o lee gato.

Pesalemo 92:13

E tutupu sako le kau agatonu ofaipe le palemie, E lotou lalasi ofaipe le sete o Lipane.

Esaia 19:25

E tapuaki loa le Eteleno o kau tau kia latou, o pati : Ke manuia Esipito, loku kakai, Ti mo Asilia, le gaoiaga o oku lima, Ti mo Iselaele, loku tofiga !

Esaia 24:16

E motou logo ki se sua mei le potupotu o le malama nei : Kololia ki le Atua faitotonu ! Kae ko au e kau pati : Kua kau puli ! kua kau puli ! malaia kiate au ! Kua kaia le kau kaia ; kua kaia ki le mate le kau kaia.

Esaia 26:2

Kotou fakamavaa a matapa, Kotou tuku ke ulu le puleaga maokioki mo agatonu.

Esaia 29:23

Talie, ka tio loa ana fanau ki le gaoiaga o oku lima i loto malie o latou, E lotou tapuaki loa ki loku suafa, E lotou tapuaki loa ki le Sagato o Sakopo, Ti e lotou i loa ki le Atua o Iselaele ;

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 45:24

E lotou pati mai loa kiate au : Ko le Eteleno toka tasi leia e maua ai le faitotonu mo le makeke ; Ko latou fuli ala na itaita kiate ia E toe liliu mai loa kiate ia i le luma.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 45:8

Ke ifo a atu lagi mei aluga Ti ke tuku e ao ke sali le faitotonu ! Ke mavaa le kele, ke tupu i ai le fakamauli, Ti ke toe tupu foki i ai le faitotonu ! Ko au, le Eteleno, e kau fakatupu ia a nea ana.

Esaia 49:3

Ti na pati mai a ia kiate au : Ko laku tagata fakasausau a koe, Iselaele leia e fakasa ia loa loku kololia.

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esaia 57:13

Ka ke tagi loa, pe fakamauli loa a koe e ou taulaatua mauke ? E ave loa latou fuli e le matagi, e seu loa latou e se tukumanava. Kae ko leia e fanaki kiate au e maua ia loa le fenua, Ti e maua ia loa loku mauga maokioki.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 61:7

Talie e fetogi loa lokoutou luma ki se vaega liuga lua ; E fetogi loa lokoutou mamae ki se fiafia i lokotou vaega ; Io, e kotou maua loa se vaega liuga lua i lokoutou fenua, Ti e lee gato loa lokoutou fiafia.

Esaia 62:4

E leaise toe fakaigoa loa a koe ko tiakina, Ti e leaise toe fakaigoa loa lou fenua ko lavaki ; Kae e fakaigoa loa a koe : Ko loku fiafiaaga iate ia, Ti e fakaigoa loa lou fenua ko le fafine avaga ; Talie e maua loa e le Eteleno lona fiafia iate koe, Ti e maua loa e le fenua lona avaga.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Esaia 65:9

E kau fakasomo loa se sakoga ia Sakopo, Ti meia Suta se tasi ke maua ia oku mauga ; E maua loa e aku filifiliia le fenua, Ti e nonofo loa aku tagata fakasausau i ai.

Selemia 24:6

E kau tio loa kia latou i loku alofa, ti e kau toe aumai loa latou ki le fenua leinei ; e kau fakanofo loa latou i le fenua, ti e leaise kau toe maumaui loa latou, e kau to loa latou ti e leaise kau toe taaki loa latou.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Esekiele 11:17

Koia e ke pati ai loa : E folafola le Aliki, le Eteleno, o pati : E kau toe fakatasi loa koutou i loto malie o atu puleaga, E kau too loa koutou i fenua ala na kotou mavetevete ai, Ti e kau tuku loa kia koutou le fenua o Iselaele.

Esekiele 34:29

E kau fakatuu loa kia latou se faisaga laakau leia e logologona loa ; ti e leaise toe pakupaku loa aku ovi i le fenua, ti e leaise lotou toe amo loa le luma o puleaga.

Esekiele 37:25

E lotou nofo loa i le fenua leia na kau soli ki laku tagata fakasausau ko Sakopo, ti na nofo ai okoutou tamana. E lotou nonofo loa i ai, latou, mo alatou fanau, ti mo fanau o alatou fanau, o lee gato ; ti e nofo loa laku tagata fakasausau ko Tavite ko lolatou sau o lee gato.

Esekiele 47:7

I le oki o lana aumai au ki le laugutu o le vaitafe, ko leinei, na i ai i le laugutu o le vaitafe ni laakau mauke ai.

Amosi 9:15

E kau to loa latou i lolatou fenua, Ti e leaise toe taaki loa latou i le fenua leia na kau soli kia latou, E pati le Eteleno, lou Atua.

Apetiasi 1:17

Kae e nofo loa le fakamauli i le mauga o Sione, ti e maokioki loa a ia, Ti e toe maua loa e le fale o Sakopo ona tofiga.

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Mateo 15:13

Na tali loa Sesu : Ko ga laakau fuli ala na leaise to e loku Tamana i Selo e taaki loa.

Mateo 5:5

Manuia latou ala e agamalu, talie e lotou maua loa le kele !

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Lua tosi ki le kau Tesalonika 1:10

mo ka au loa a ia i le aso a ia ke fakakololiai a ia i lana kau sagato, ti ke tio kiate ia latou fuli ala na tui kiate ia ; talie kua kotou tui ki lamatou fakamaoki ia koutou.

Lua tosi a Petelo 3:13

Kae e tou talitali, o mulimuli ki lana fakapapau, ki ni lagi foou mo se kele foou, leia e nofo ai loa le maokioki.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.

Apokalipisi 5:10

ti na ke fakasoko latou ko se puleaga ti ko se kau tagata fai sakilifisio ki lotatou Atua, ti e lotou sau loa i le malama nei.