Esaia 60:20 - Tosi Tapu

²⁰ E leaise toe to loa lou laa, Ti e leaise toe fakapouli loa lou masina ; Talie e liliu loa le Eteleno ko lou malama o lee gato, Ti e gato loa a aso o lou mamae.

Esaia 60:20 ပူးပေါင်းရင်းမြစ်များ

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Esaia 24:23

E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 30:19

Io, kakai o Sione, kakai o Selusalemi, E leaise ke toe tagi loa ! E soli atu loa e ia kiate koe lona kalasia, mo ka ke kalaga loa ; I le temi fai leia e logo ai loa a ia ki lau kalaga, e tali atu loa a ia kiate koe.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 51:11

Koia e toe liliu loa le kau totogi a le Eteleno, E lotou ano loa ki Sione mo ni sua o le malo, Ti e lotou pala loa olatou ulu ki se fiafia lee gato ; E fakafeofi ake loa le nekenekea mo le fiafia, Kae sosola loa le mamae mo le tagi.

Esaia 60:1

Tuu ki aluga, ke ke gigila, talie kua soko mai lou malama, ti kua sopo le kololia o le Eteleno kiate koe.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 65:19

E kau fai loa ki Selusalemi loku nekenekeaaga, Ti ki loku kakai ko loku fiafiaaga ; E leaise toe logo loa i ai Ki le logoa o ni tagi ti mo le logoa o kalaga.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Tagi laulau a Selemia 5:21

Fai ke motou toe liliu mai kiate koe, ei Eteleno, ti e motou toe liliu mai loa ! Toe soli mai kia matou ni aso ofaipe la o le temi mua !

Amosi 8:9

I le aso lena, e pati le Aliki, le Eteleno : E kau fakagalo ia loa le laa i le lalatea, Ti e kau fakaliliu loa ke pouli le malama nei i le loto malie o le ao ;

Sakalia 14:7

E toka tasi loa le aso lena, ti e iloa a ia e le Eteleno toka tasi, E leaise ao loa a ia pe pouli. Kae e sa loa le malama i le afiafi.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.