Esaia 60:17 - Tosi Tapu

¹⁷ E kau aumai loa kiate koe le aulo ke fetogi ai le sila, Le paaga ke fetogi ai le ukamea, Le sila ke fetogi ai le papa, Le ukamea ke fetogi ai a fatu ; E kau tuku loa ke nofo iate koe le tokamalie, Ti ke pule le faitotonu.

Esaia 60:17 ပူးပေါင်းရင်းမြစ်များ

Uluaki tosi o Sau 6:30

Na kofu loa e ia ki le aulo le faliki o le fale, i loto o kogafale e lua.

Pesalemo 147:14

E toe tuku e ia le tokamalie ki lou fenua, E fakamakona e ia a koe ki le fulumeto saosaoa.

Pesalemo 72:3

E ave loa e mauga lalasi le tokamalie ki le kakai, Ti mo mauga liliki foki, o tupu ko lou faitotonu.

Esaia 1:26

E kau toe fakanofo loa ou tui fakamaau ofaipe le temi mua, Ti mo ou kau fono ofaipe le kamataaga. I le oki o le nea aia, e fakaigoa loa a koe ko le kolo o le faitotonu, Kolo agatonu.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 55:13

E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Taniela 11:20

E kakau loa e lona fetogi se tagata maumau ke ano o maumaui le fenua fulumalie o le puleaga ; kae i le sili o ni ga aso teiki, e fatii loa a ia, ti e leaise maumaui loa a ia o tupu ko se ita pe ko se tau.

Akeseo 2:8

A aku le paaga, ti a aku le aulo, E pati le Eteleno o kau tau.

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Epelo 11:40

O tupu na teuteui e le Atua se nea leia e malie tukupau ake kia tatou, o tupu ke aua na lotou kaku ki le malie tukupau sala mo tatou.

Lua tosi a Petelo 3:13

Kae e tou talitali, o mulimuli ki lana fakapapau, ki ni lagi foou mo se kele foou, leia e nofo ai loa le maokioki.