Esaia 60:16 - Tosi Tapu

¹⁶ E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 60:16 ပူးပေါင်းရင်းမြစ်များ

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 19:20

E liliu loa a ia ko se fakamailoga mo se fakamaoki ki le Eteleno o kau tau I le fenua o Esipito ; E lotou tagi loa ki le Eteleno o tupu ko le kau fakamakeke, Ti e kakau loa e ia kia latou se tasi leia ke fakamauli mo malui ia latou.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 29:24

Ko latou ala na sese olatou loto e maua ia loa le atamai, Ti ko latou ala na gugu e maua ia loa le akonaki.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 43:11

Ko au, ko au leia ko le Eteleno, Ti e sala mo au, e leai se fakamauli.

Esaia 45:15

Kae ko se Atua a koe leia e mumuni, Atua o Iselaele, le fakamauli !

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 52:6

Koia e iloa loa e loku kakai loku suafa i se aso ; Koia e iloa loa e ia, i le aso lena, Ko au leia na folafola : Ko leinei au !

Esaia 59:20

E au loa se fakamauli ki Sione, Kia latou o Sakopo ala e tafoki loa i alatou agasala, E pati le Eteleno.

Esaia 60:17

E kau aumai loa kiate koe le aulo ke fetogi ai le sila, Le paaga ke fetogi ai le ukamea, Le sila ke fetogi ai le papa, Le ukamea ke fetogi ai a fatu ; E kau tuku loa ke nofo iate koe le tokamalie, Ti ke pule le faitotonu.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Esaia 63:8

Na pati a ia : E maoki ko latou ko loku kakai, Ko ni fanau ala e leaise patigataa loa kiate au ! Ti na fai a ia kia latou pe se fakamauli.

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Selemia 15:21

E kau saofaki loa a koe i le lima o le kau agaveli, E kau fakamauli loa a koe i lima o le kau agamakeke.

Esekiele 34:30

Ti e lotou iloa loa ko au, le Eteleno, lolatou Atua, e kau nofo mo latou, ti ko latou ko loku kakai, latou o le fale o Iselaele, e pati le Aliki, le Eteleno.

Apokalipisi 21:24

Ti e saele loa a puleaga i lona malama, ti e aumai loa e sau o le malama nei olatou kololia ki ai.

Apokalipisi 21:26

Ti e aumai loa ki ai le kololia mo le fakaapaapa o puleaga.