Esaia 60:12 - Tosi Tapu

¹² Talie ko le kakai mo le puleaga, ala e leaise tausi loa kiate koe, e mamate loa ; Io, e tuuti loa a puleaga ana.

Esaia 60:12 ပူးပေါင်းရင်းမြစ်များ

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Pesalemo 108:13

Soli mai se tokoi kia matou i le mamae ! Talie ko le tokoi a le tagata ko vaiga ata.

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Esaia 14:2

E too loa latou e kakai, o toe fakaliliu ki olatou nofoaga, Ti e toe maua loa latou e le fale o Iselaele i le fenua o le Eteleno, Ofaipe ni tagata fakasausau mo ni fafine fakasausau ; E lotou fakapopula loa latou ala na fakapopula ia latou, Ti e lotou pule loa kia latou ala na fakaveliveli ia latou.

Esaia 41:11

Ko leinei, e lotou fakasemala loa, e lotou apele loa i le luma, Latou fuli ala na itaita kiate koe ; E fakaliliu loa latou ko ni nea noa, e lotou mamate loa, Latou ala e fakafefele atu kiate koe.

Esaia 54:15

Kapau e fai ni fakatasi kiate koe, e leaise natu loa le nea lena iate au ; Ko latou fuli ala e fili loa kiate koe e vivilo loa i lou pule.

Selemia 12:17

Kae kapau e leaise lotou fakalogo ki se nea, E kau maumaui loa le puleaga lena, E kau maumaui loa a ia, e kau tamate loa a ia, e pati le Eteleno.

Taniela 2:34

Na ke tio ki le fakatata lena, ti na fokifa fai kua matata mai se fa fatu, leia na leaise tokoi ki ai se lima, ti na taai loa e ia a vae ukamea mo kele o le fakatata, o momomomo.

Taniela 2:35

Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Taniela 7:18

kae e maua loa e le kau sagato a le Atua Taualuga le puleaga, ti e lotou maua loa le puleaga o lee gato i sekulo mo sekulo.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Mateo 21:44

Ko leia e vilo loa ki le fa fatu lena e fatifati loa i ai, ti ko leia e vilo loa ki ai le fa fatu lena e lailai loa.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.