Esaia 6:5 - Tosi Tapu

⁵ Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Esaia 6:5 ပူးပေါင်းရင်းမြစ်များ

Senesi 32:31

Na sopo loa le laa, i le temi leia na fakalaka ai loa Sakopo i Peniele. Na kito Sakopo o tupu ko lona kauaga.

Pesalemo 24:10

Ko ai le sau lena o le kololia ? Ko le Eteleno o kau tau : Ko lena le sau o le kololia ! - Manava.

Ekesote 24:10

Na lotou tio loa ki le Atua o Iselaele ; i lalo o ona vae, na faipe se laui tiloata leia na faliki ki le safile, ti na usi ofaipe le lagi peka mea saosaoa.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 33:20

Na pati loa le Eteleno : E leaise feala ke ke tio ki oku mata, talie e leaise feala ke tio le tagata kiate au ti mauli.

Ekesote 4:10

Na pati loa Moisese ki le Eteleno : Ei loku Aliki, e leaise ko se tagata au leia e masau faigaofie, ti e leaise ko se nea fua mei nanafi, pe ko leia atu a aso, pe ko le aso leia na ke kamata masau ai ki lau tagata fakasausau ; talie e valea loku gutu mo loku alelo.

Ekesote 6:12

Na tali loa Moisese ki le Eteleno : Ko leinei foki, na leaise fakalogo fua fanau totonu o Iselaele kiate au : Pe feaki loa ke fakalogo Falaone kiate au, leia e leaise masau malie ?

Ekesote 6:30

Ti na tali loa Moisese i mua o le Eteleno : Ko leinei, e leaise kau masau malie ; e feaki loa ke fakalogo mai Falaone kiate au ?

Esaia 24:16

E motou logo ki se sua mei le potupotu o le malama nei : Kololia ki le Atua faitotonu ! Kae ko au e kau pati : Kua kau puli ! kua kau puli ! malaia kiate au ! Kua kaia le kau kaia ; kua kaia ki le mate le kau kaia.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 33:17

E tio loa ou mata ki le sau i lona fulumalie, E lotou tio loa ki le fenua i lona lasi katoa.

Esaia 59:3

Talie e kelekele okoutou lima i le toto, Ti mo okoutou maikao i agaveli ; E masau loi okoutou laugutu, E puaki e okoutou alelo le veli.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Selemia 1:6

Na kau tali loa : Ei Aliki Eteleno ! Ko leinei, e leaise kau poto fua i le masau, talie ko se ga toe au.

Selemia 51:57

E kau fakainu loa ona sau ke konana, Mo ona kau poto, mo ona kovana, mo ona pule, mo ona tagata solia ; E lotou momoe loa i se moe lee gato, ti e leaise lotou toe ala loa, E pati le sau, leia e suafa ko le Eteleno o kau tau.

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Taniela 9:20

Na kau toe masau, na kau faikole, ti na kau kofesio aku agasala mo agasala o loku kakai ko Iselaele, ti na kau fai aku tagi ki le Eteleno, loku Atua, o uiga mo le mauga maokioki o loku Atua ;

Apakuki 3:16

Na kau logo… Ti na aloalofa oku tootooga. I le leo lena, e tete oku laugutu, E okioki oku ivi, Ti e lulu oku tuli : E tonu ke kau talitali fakalologo ki le aso o le mamae, Le aso leia e saele ai loa le tagata fakaveliveli ki le kakai.

Numelo 17:12

Na pati loa fanau a Iselaele kia Moisese : Ko leinei, e motou mamate loa, e motou malaia loa, e motou malaia fuli loa !

Tuifakamaau 13:22

ti na pati loa a Manoa ki lona avaga : E ta mamate loa, talie kua ta tio ki le Atua.

Tuifakamaau 6:22

Na matala loa Seteone ko le aselo o le Eteleno. Ti na pati loa Seteone : Malaia kiate au ! Aliki Eteleno ! talie kua kau tio mata ki le aselo o le Eteleno.