Esaia 6:4 - Tosi Tapu

⁴ Na galulu loa a matapa i olatou tuuaga i le leo leia na gugulu, ti na apele loa le fale i se afu.

Esaia 6:4 ပူးပေါင်းရင်းမြစ်များ

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Pesalemo 18:8

Na lui loa le malama nei ti na lulu loa a ia. Na galulu loa a tafito o mauga, Ti na lotou sisiga loa, talie na ita le Eteleno.

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Esekiele 1:24

I lalatou saele, na kau logo loa ki le logoa o olatou kapakau, ofaipe le gugulu o vai lalasi, ofaipe le leo o le Mafimafi, pe ko se logoa o se solia toka api ; ka lotou tuu loa, e lotou fakavilo loa olatou kapakau.

Esekiele 10:5

Ti na logo loa o kaku ki le lotoa i fafo le patu o kapakau o selupino, ofaipe le leo o le Atua mafimafi mo ka folafola.

Esekiele 41:16

Ko le kogafale ulu, mo le kogafale lasi mo le kogafale ki muli na aofi ki le papa, ti na toe tatau foki mo katupa mo kogafale o lau fata e tolu. Na aofi papa a nea fuli, i le kele o kaku ki katupa. Ti na aofi foki a katupa totonu ki le papa.

Esekiele 44:4

Na taki loa e ia au ki le matapa o le potu noleto, i mua o le fale tapu. Na kau tio, ti ko leinei, na fakaapele e le kololia o le Eteleno le fale o le Eteleno. Ti na kau fakamapee loa ki lalo o fakatau oku mata ki le kele.

Amosi 9:1

Na kau tio loa ki le Aliki leia na tuu i le aletale. Ti na pati a ia : Taai a puloga o pou lalasi ti ke galulu a uluaga o le fale tapu, Ti ke ke fatifatii latou ki olatou ulu o latou fuli ! E kau tamate loa le toega ki le seleta. E leaise feala loa ke mauli se tasi o sola, E leaise sao loa se tasi ia latou.

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.

Apokalipisi 15:8

Ti na apele loa le fale tapu i le afu, o tupu ko le kololia o le Atua ti mo lona mafimafi ; ti na leaise mafai ke ulu se tasi ki le fale tapu, o kaku ki le katoa o malaia e fitu a aselo e fitu.