Esaia 6:3 - Tosi Tapu

³ Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 6:3 ပူးပေါင်းရင်းမြစ်များ

Esetalasi 3:11

Na lotou sua loa, o fakavikiviki ki le Eteleno, o pati : Talie e agamalie a ia, talie e tuumau lona manava alofa ki Iselaele ! Ti na kalaga fakafiafia loa le kakai katoa ki le Eteleno, i le teki o le fakatafito o le fale o le Eteleno.

Pesalemo 57:11

Talie e lasi lou agamalie o kaku ki le lagi, Ti e kaku lou agatonu ki ao.

Pesalemo 66:2

Kotou sua le kololia o lona suafa, Kotou sua lona kololia i akoutou fakafetai !

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Pesalemo 8:2

Eteleno, lomatou Aliki ! E malie lasi ai lou suafa i le malama nei katoa ! Na ke fakatuu lou agaiaga i aluga o atu lagi.

Pesalemo 90:16

Ke sa lau gaoiaga ki au tagata fakasausau, Ti mo lou kololia ki alatou fanau !

Pesalemo 97:6

E fakasa e le atu lagi lona faitotonu, Ti e tio a kakai fuli ki lona kololia.

Pesalemo 99:3

Ke fakamalo ki lou suafa lasi mo fakaii : E maokioki a ia !

Pesalemo 99:9

Kotou fakasa le mafimafi o le Eteleno, lotatou Atua, Ti kotou punou i lona mauga maokioki ! Talie e maokioki le Eteleno, lotatou Atua !

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Esaia 24:16

E motou logo ki se sua mei le potupotu o le malama nei : Kololia ki le Atua faitotonu ! Kae ko au e kau pati : Kua kau puli ! kua kau puli ! malaia kiate au ! Kua kaia le kau kaia ; kua kaia ki le mate le kau kaia.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esekiele 43:2

Ti ko leinei, na au le kololia o le Atua o Iselaele i le potu esite. Na tatau lona leo mo le gugulu o vai lalasi, ti na gigila le malama nei i lona kololia.

Esekiele 44:4

Na taki loa e ia au ki le matapa o le potu noleto, i mua o le fale tapu. Na kau tio, ti ko leinei, na fakaapele e le kololia o le Eteleno le fale o le Eteleno. Ti na kau fakamapee loa ki lalo o fakatau oku mata ki le kele.

Apakuki 2:14

Talie e apele loa le malama nei i le iloa o le kololia o le Eteleno, Ofaipe le takele o le moana leia e apele i le vai leia e uufi ia a ia.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Numelo 14:21

Kae e kau mauli ! ti e fakaapele loa e le kololia o le Eteleno le malama nei katoa !

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,