Esaia 6:2 - Tosi Tapu

² Na tuu ni selafimi i ona aluga ; na lotou tasi mo ia ni kapakau e ono ; na puloui e ia ona mata ki kapakau e lua, ti na uufi e ia ona vae ki kapakau e lua, ti na lele a ia ki kapakau e lua.

Esaia 6:2 ပူးပေါင်းရင်းမြစ်များ

Senesi 17:3

Na fakamapee loa Apalamo o fakatuu ona mata ki le kele ; ti na masau loa le Atua kiate ia, o pati :

Uluaki tosi o Sau 19:13

I le logo loa a Elia ki ai, na puloui loa e ia ona mata ki lona taupulupulu, ti na ulu loa a ia ki fafo, o tuu i mua o le ana. Ti ko leinei, na fakasa loa e se leo kiate ia a folafola anei : Kolea e ke fai i leinei, Elia ?

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Uluaki tosi o Sau 6:24

Na meta lua vaelua le kapakau e tasi o le uluaki selupino, koia na meta lima mei le potupotu o le tasi kapakau ki le potupotu o le tasi kapakau o le selupino e tasi.

Uluaki tosi o Sau 6:27

Na fakatuu loa e Salomone a selupino i loto malie o le potu taputapu. Na mafolafola loa a kapakau o selupino : Na lave loa le kapakau o le uluaki selupino ki le tasi paa, ti na lave loa le kapakau o le lua selupino ki le tasi paa ; ti na felavei loa a la ake kapakau i ola potupotu i loto malie o le kogafale.

Uluaki tosi o Sau 8:7

Talie na folasi e selupino ola kapakau i aluga o le ganea leia na teuteui ki le aleka, ti na malui loa le aleka mo ona laakau amo e selupino mei aluga.

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Sopo 1:6

Kae i se aso, na au loa a vosa o le Atua ki mua o le Eteleno, ti na au foki Satana i loto malie o latou.

Sopo 15:15

Kapau e leaise fanaki le Atua ki lana kau sagato, Ti kapau e leaise mea le lagi i ona mua,

Sopo 4:18

Kapau e leaise fanaki le Atua ki ana tagata fakasausau, Ti kapau e maua e ia se valea i ana kau aselo,

Pesalemo 103:20

Kotou fakafetai ki le Eteleno, koutou ko ana kau aselo, Ala e mafimafi i le makeke, ti e fakasoko ia ana fakatotonu, O fakalogo ki le leo o lana folafola !

Pesalemo 104:4

E fai e ia ki matagi ana tagata avelogo, Ki ulai afi ana tagata fakasausau.

Pesalemo 18:10

Na tuku loa e ia ki lalo le lagi, ti na ifo mai loa a ia : Na i ai se ao matotolu i lalo o ona vae.

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Ekesote 25:20

E folasi loa e selupino ola kapakau i aluga, o malui le nofoaga o le manava alofa ki ola kapakau, ti e feagaaki loa ki loto a selupino, o tio ki le nofolaga o le manava alofa.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 37:9

Na folasi loa e selupino ola kapakau i aluga, o malui ki ola kapakau le nofolaga o le manava alofa, ti na la feagaaki loa. Na tio a mata o selupino ki le nofolaga o le manava alofa.

Esaia 6:6

Kae na lele mai loa se tasi o le kau Selafimi kiate au, mo se fa fatu kaka na too i lona lima, leia na too e ia mei le aletale ki se saga.

Esekiele 1:11

Na mafola loa ki aluga a kapakau e lua, o pipiki tasi ; kae uufi loa e la ake kapakau e lua ola kuaga.

Esekiele 1:24

I lalatou saele, na kau logo loa ki le logoa o olatou kapakau, ofaipe le gugulu o vai lalasi, ofaipe le leo o le Mafimafi, pe ko se logoa o se solia toka api ; ka lotou tuu loa, e lotou fakavilo loa olatou kapakau.

Esekiele 1:4

Na kau tio loa, ti ko leinei, na au loa mei le potu noleto se asesio : ko se ao matotolu mo se afi takamilomilo, ti na takatakai a ia e se malama, ti na gigila i loto malie ofaipe se sila momole leia nao too fua mei le afi.

Esekiele 1:6

Na lotou tasi mo ia ni fa mata e fa, ti na lotou tasi mo ia ni kapakau e fa.

Esekiele 1:9

Na feuluaki a potupotu o olatou kapakau. Na lotou tasi saele fakaagatonu ki mua ti na leaise toe mafuli kese olatou tino.

Esekiele 10:16

Ka saele a selupino, ti saele a fa teka i olatou tafa ; ti ka folasi olatou kapakau ke lotou malaga i le kele, ti e leaise toe mavae foki a fa teka i a latou.

Esekiele 10:21

Na mata fa le manu e tasi, mo kapakau e fa, ti na i ai se nea ofaipe se lima o se tagata i lalo o olatou kapakau.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Taniela 9:21

koi kau masau i laku faikole, kae ko leinei, ko le tagata leia na igoa ko Kapeliele, leia na kau tio ki ai i mua atu i se tio, na fakafeofi mai loa kiate au i se lele mauvave, i le lakaga o failaulau o le afiafi.

Sakalia 3:4

Ti na pati loa le aselo kia latou ala na tutuu i ona mua : Kotou tatala ona kofu fakalialia ! Kae na pati a ia kia Sosue : Tio, kua kau too meiate koe lau agaveli, ti kua kau fakakofu a koe ki ni kofu foou.

Luka 1:10

Na nofo le kakai katoa o faikole i fafo i le momoli o le nea fakamanogi.

Epelo 1:7

Ti na toe pati a ia ki le kau aselo : E fakagaoi e ia ana aselo ofaipe ni matagi ti mo ana kau fakasausau ofaipe se ulai afi

Apokalipisi 14:6

Ti na kau tio loa ki se tasi ake aselo leia na lele i loto malie o le lagi ; na maua e ia se Evaselio eteleno, ke fakasa kia latou fuli ala na nonofo i le malama nei, ki puleaga fuli, mo faasiga fuli, mo masau fuli, ti mo kakai fuli.

Apokalipisi 4:8

Ko manu mauuli ana e fa na tasi mo ia ni kapakau e ono, ti na lotou apele i mata, i tafa mo loto. Na leaise lotou malolo i le ao mo le po i le pati : Maokioki, maokioki, maokioki le Aliki Atua, le Mafimafi, leia na agai, leia e agai nei, leia e au !

Apokalipisi 7:11

Ti na tutuu loa a aselo fuli i tafatafa o le ekeekeaga fakasau, mo le kau matua, ti mo manu mauuli e fa. Ti na lotou tulolo loa o fakatuu olatou ulu ki le kele i mua o le ekeekeaga fakasau, o atolasio ki le Atua,

Apokalipisi 8:13

Ti na kau tio loa, ti na kau logo loa ki se akuila leia na lele i loto malie o le lagi, o kalaga leo lasi : Malaia, malaia, malaia ki kakai o le malama nei, o tupu ko la ake a pupusi o le fakatagi pupusi a aselo e tolu ala ka pupusi loa !