Esaia 6:11 - Tosi Tapu

¹¹ Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Esaia 6:11 ပူးပေါင်းရင်းမြစ်များ

Pesalemo 74:10

Pe kaku loa kiafea, ei Atua, le lauveli a le tagata fakaveliveli, Le gologolo tuumau a le fili ki lou suafa ?

Pesalemo 79:5

E kaku loa kiafea, Eteleno ! lou ita tuumau, Ti mo le kaka o lou sausau ofaipe se afi ?

Pesalemo 90:13

Toe liliu mai, Eteleno ! E kaku loa kiafea ?… Alofa mai ki au tagata fakasausau !

Pesalemo 94:3

Ei Eteleno, e kaku loa kiafea le fia nealasi a le kau agaveli ! E kaku loa kiafea le malo a le kau agaveli ?

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 13:12

E kau fakaliliu loa a tagata ke tasitasiga ofaipe le aulo mea, Ti e kau fakaliliu loa latou ke tasitasiga ake i le aulo o Ofile.

Esaia 3:26

E fetagisi loa a matapa o Sione ti e lotou mamae loa ; Ti e tonatona telefua loa Sione i le kele.

Esaia 3:8

Talie kua malaia Selusalemi, Ti kua siga mo Suta, O tupu e agatuu ala masau mo ala gaoi ki le Eteleno, Ti e lotou matatuu ki lona agai.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 35:1

E fiafia loa le toafa mo le fenua kaka ; E fiafia loa le fenua lavaki, ti e se loa a ia ofaipe se nalesise ;

Esaia 5:9

Ko leinei le nea leia na fakasa mai kiate au e le Eteleno o kau tau : E kau fakamaoki atu kiate koe, e maumaui loa a fale mauke anei, Ti e leaise toe nofoi loa e ni iki a fale lalasi ana mo fulumalilie.

Esaia 60:15

I mua na tiaki a koe ti na vesia kiate koe, Ti na leaise fakalaka se tasi iate koe, Kae i le aso nei e kau fakaliliu loa a koe ko se nea fakateuteu o lee gato, Ko se fiafiaaga ki tautupu mo tautupu.

Esaia 64:10

Kua liliu lomatou fale tapu o le kololia, Leia na sua ai e omatou tamana ou fakafetai Ko le nea kai a ula ; Kua maumau a nea fuli ala na mauiga kia matou.

Selemia 22:6

Talie e folafola le Eteleno ki le fale o le sau o Suta, o pati : E ke fai kiate au pe Kalaate, pe le tumutumu o le mauga o Lipane ; Kae e maoki e kau fakaliliu loa a koe ko se toafa, Ko se kolo sala kakai.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 44:2

E folafola le Eteleno o kau tau, le Atua o Iselaele, o pati : Kua kotou tio ki malaia fuli ala na kau kakau mai ki Selusalemi mo kolo fuli o Suta : I le aso leinei kua lotou tuu ko ni kolo maumau, ti e leaise koi i ai se kakai,

Selemia 52:27

Na taai loa latou e le sau o Papilone, ti na tamate loa latou i Lipela, i le fenua o Amate. Na ave popula loa i ai a Suta, o mamao mei lona fenua.

Esekiele 6:6

I ganea fuli ala e kotou nonofo ai, e maumau loa okoutou kolo, Ti e tiaki loa okoutou ganea taualuga ; E popo loa okoutou aletale o tuu noa, Ti e fatifatii loa okoutou taulaatua o pupuli, Ti e laku loa okoutou fakatata o le laa ki lalo, Ti e puli noa loa akoutou gaoiaga fuli.

Taniela 8:13

Na kau logo loa ki le masau a se aselo, ti na tali loa se tasi ake aselo ki leia na masau : Pe fualoa loa le temi leia e soko ai le tio ki le sakilifisio o aso taki tasi, mo le agasala o le tagata maumau ? Pe kaku loa kiafea le takatakafi o le sagatualio mo le solia o le lagi ?

Levitiko 26:31

E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Mikea 5:11

E kau motusi loa i lou lima a nea fakatemonio, Ti e leaise ke toe maua loa se tagata fai nea fakatemonio ;

Mikea 6:13

Koia leia e kau tautea ai loa a koe ki le mamae, E kau maumaui loa a koe o tupu ko au agasala.

Mikea 7:13

E maumaui loa le fenua o tupu ko ona kakai, O tupu ko fua o alatou gaoi.

Tetelonome 28:62

I le oki o lou toka api o tatau mo fetuu o le lagi, e kotou toe loa ko se ga toka teiki fua, o tupu na leaise ke fakalogo loa ki le leo o le Eteleno, lou Atua.

Tetelonome 28:63

O tatau mo le fiafia leia na maua e le Eteleno o fai kia koutou le nea malie ti mo liuliuga koutou, e toe tatau foki mo le fiafia leia e maua loa e le Eteleno o tamate koutou ti mo maumaui koutou. Ti e taaki loa e ia koutou mei le kele leia e ke ulu loa ki ai o maua tofiga.