Esaia 59:8 - Tosi Tapu

⁸ E leaise lotou iloa le ala o le tokamalie, Ti e leaise maua le faitotonu i olatou ala ; E lotou saele i ni ala pikopiko : Ko leia e saele i ai e leaise iloa ia le tokamalie.

Esaia 59:8 ပူးပေါင်းရင်းမြစ်များ

Pesalemo 125:5

Kae ko latou ala e saele i ala pikopiko, Ke maumaui latou e le Eteleno o fakatasi mo latou ala e fai ia le veli ! Ke nofo le tokamalie i Iselaele !

Taagapati 2:13

Ia latou ala e tiaki ia a ala o le maoki, O tupu ke saele i ni ala fakapouli,

Taagapati 2:15

Ala e mulimuli i ni ala o le kaka, Ala e saele i ni ala pikopiko ;

Taagapati 21:8

E mulimuli le tagata agasala i ni ala pikopiko, Kae ko le tagata mea e fai nea fakaagatonu.

Taagapati 28:18

Ko le tagata leia e saele i le maoki e maua ia le fakamauli, Kae ko leia e saele i ni ala pikopiko e lua e vilo ki se tasi ia laua.

Taagapati 3:17

Ko ona ala ko ni ala malilie, Ti ko ona ala liliki fuli e tokamalie.

Esaia 48:22

E leaise tokamalie ki le kau agaveli, e pati le Eteleno

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 59:11

E motou tagi fuli ofaipe ni uluso, E motou tagi fakaaloalofa ofaipe ni lupe ; E motou talitali ki se tokoi, kae e leaise kaku mai a ia, Ki le fakamauli, kae e mamao a ia ia matou.

Esaia 59:9

Koia e mamao ai le saofaki ia matou ; Ti e leaise kaku mai ai le fakamauli kia matou ; E motou talitali ki le malama, ti ko leinei ko le fakapouli, Ki le mafoata, ti e motou saele i le pouli.

Esaia 65:2

Na kau falo oku lima i aso fuli ki se kakai agatuu, Leia e saele i se ala veli, o mulimuli ata ki ana manatu ;

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Mateo 23:23

Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Loma 3:17

E leaise lotou iloa le ala o le tokamalie.