Esaia 59:6 - Tosi Tapu

⁶ Ko nea ala na lotou lalaga e leaise aoga ke fai ai se kofu, Ti e leaise mafai ke lotou lava ki alatou gaoiaga ; Ko alatou gaoi ko ni gaoi o le agasala, Ti e maua i olatou lima ni gaoi o le agamakeke.

Esaia 59:6 ပူးပေါင်းရင်းမြစ်များ

Senesi 6:11

Na fakalialia le malama nei i mua o le Atua, ti na apele le malama nei i le agamakeke.

Sopo 16:17

Kae na leaise uku fua oku lima i le fakamakeke, Ti na mea tuumau laku faikole.

Pesalemo 55:11

E lotou fai le foli takai o le kolo i le ao mo le po i le kaua ; Ti kua nofo le agaveli mo le kaka i loto malie o le kolo ;

Pesalemo 58:2

Pe feala ke fanaki kia koutou, mo ka kotou fakalologo ? Pe kotou fakamaau i le faitotonu, vosa o le tagata ?

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Esaia 58:4

Ko leinei, e kotou sesunio ke visi, ke fefele, Ke ta fakamakeke okoutou kaito ; E leaise kotou sesunio ofai ki le uiga totonu o le aso lena, Ke logo lokoutou leo ki aluga.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Selemia 6:7

Ofaipe se vai e mapuna mei se sosoni, E mapuna foki lona agaveli meiate ia ; E masau ata iate ia ki le fakamakeke mo le maumau ; E tio tuumau oku mata ki le mamae mo lavea.

Esekiele 18:12

ti kapau e fakamakeke e ia le tagata fakaaloalofa mo le tagata mativa, ti kapau e kaia a ia, ti kapau e leaise liufaki e ia le koloa o leia na gaoi kiate ia, ti kapau e tausi a ia ki taulaatua, o fai ni nea fakalialia,

Esekiele 7:11

Kua tupu le agamakeke, ke liliu ko le tokotoko a le agaveli : E leaise toe loa se nea ia latou, i lolatou kakai logoa, i lolatou kakai toka api ! E leaise tagi loa kia latou !

Esekiele 7:23

Teuteu a tini ! Talie kua apele le fenua i tukipo, Kua apele le kolo i le agamakeke.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Amosi 3:10

E leaise lotou iloa le fai o le nea leia e totonu, e pati le Eteleno, E lotou tanaki fakatuuga i olatou fale sau a fua o le agamakeke mo le kaia.

Amosi 6:3

E kotou pati e kotou fakamamao le aso o le malaia, Kae e leai, kua kotou fakafeofi mai le pule o le tukipo.

Mikea 2:8

Talu mei fualoa na fai loku kakai ofaipe se fili ; E kotou too le taupulupulu i aluga o kofu O latou ala e saele i le tokamalie, I le liliu mei le tau.

Mikea 6:12

Talie kua apele i le agamakeke le kau mou koloa o le kolo leinei, Ti kua masau loi lona kakai, Ti kua kaka olatou alelo i olatou gutu.

Sofoni 1:9

I le aso lena, e kau tautea loa latou fuli ala e sopo i le mua matapa ofaipe ni pagani, Latou ala e fakaapele ia le fale o lolatou pule ki le agamakeke mo le kaka.

Sofoni 3:1

Malaia ki le kolo agatuu mo fakalialia, Ki le kolo leia kua apele i tagata agamakeke !

Malakia 2:16

Talie e kau vesia ki le kapu o le avaga, E pati le Eteleno, le Atua o Iselaele, Ti mo leia e uufi ia le agamakeke ki lona kofu, E pati le Eteleno o kau tau : Kotou tokaga ki okoutou laumalie, Ti ke aua na kotou agatuu !