Esaia 59:4 - Tosi Tapu

⁴ E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Esaia 59:4 ပူးပေါင်းရင်းမြစ်များ

Sopo 15:31

Kapau e fanaki a ia ki le veli, e faisala a ia, Talie e liliu loa le veli ko lona fakapale.

Sopo 15:35

Ko leia e fakakaukau ia le veli e fanaui ia le malaia, Ti e fagai e ia i lona manava ni fua ala e kakai ia a ia.

Pesalemo 12:3

E feloiaki ala ki la, E maua i laugutu ni masau fakalapulapu, E masau i se loto fia nealasi.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Pesalemo 62:4

E kaku loa kiafea lakotou oso ki se tagata, Lakoutou afa ke siga a ia ki lalo, Ofaipe se paa e matule, Ofaipe se a leia e maumaui ?

Pesalemo 7:15

Ko leinei, e teuteui e le tagata agaveli le veli ; E fakakaukaui e ia le agaveli, ti e fanaui e ia le kaka.

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Esaia 10:1

Malaia kia latou ala e tuku ia ni fakatotonu veli, Ti mo latou ala e tosi ia ni lao sala,

Esaia 26:18

Na motou tinanae, ti na mamae omatou ganea, Kae i le aso leia na motou fanau ai, na motou maua le matagi ata : Na leaise fakamauli le fenua, Ti na leaise tupu foou lona kakai.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 29:20

Talie e puli loa le tagata agamakeke, ti e gato loa le tagata gologolo, Ti e tamate loa latou fuli ala na lalama ke fai ia le agaveli,

Esaia 30:12

Koia e folafola ai le Sagato o Iselaele, o pati : O tupu kua kotou tiaki le folafola lena, Ti kua kotou fanaki ki le agamakeke mo puleaki kaka, Ti kua kotou tuku kia latou lakoutou tui,

Esaia 30:9

Talie ko se kakai agatuu, Ko ni fanau gutu loiloi, Ko ni fanau ala e leaise fia logo ki le lao a le Eteleno,

Esaia 33:11

Na kotou fakakaukau ni vao ke kai e kau manu, E kotou fanaui loa ni vao ke moe ai a kau manu ; Ko lakoutou tukumanava, Ko se afi leia e tutu ia loa koutou.

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 47:10

Na ke fanaki ki lou agaveli, Na ke pati : E leaise tio mai se tasi kiate au ! Ko lou poto mo lou atamai na fakasese ia a koe. Ti na ke pati i lou loto : Ko au fai, ti ko au fai toka tasi !

Esaia 5:18

Malaia kia latou ala e toso ia le agaveli ki maea o le aga fakalialia, Ti mo le agasala ki maea o le kaka,

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 59:15

E puli le maoki, Ti ko leia e fakamamao i le veli e kaia ona koloa. E tio le Eteleno ki le nea a ia, ti na veli ai ki ona mata, Leia e puli le faitotonu.

Esaia 59:16

E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Esaia 59:3

Talie e kelekele okoutou lima i le toto, Ti mo okoutou maikao i agaveli ; E masau loi okoutou laugutu, E puaki e okoutou alelo le veli.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 9:15

Ko le kau takitaki o le kakai leinei e fakasese ia a ia, Ti e puli noa latou ala e fakalogo.

Selemia 48:7

Talie, o tupu na ke fanaki ki au gaoi mo ou koloa, Ko koe foki, e ke too loa, Ti e ano loa Kemosi o popula, Mo ona kau pelepitelo ti mo ona kau pule.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Selemia 7:4

Aua na kotou fanaki ki ni amanaki kaka, o pati : Ko leinei le fale tapu o le Eteleno, le fale tapu o le Eteleno, Le fale tapu o le Eteleno !

Selemia 7:8

Kae ko leinei, e kotou fanaki ki ni amanaki kaka, ala e leai sona aoga.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Gaoi 24:9

Ti na fakamaoki loa le kau Sutea ki le masau a Teletule, o lotou pati e maoki fuli a nea ana.

Sakopo 1:15

Ti ka faitoe le oli, e fanaui loa e ia le agasala ; ti ka katoa le agasala, e fanaui loa e ia le mate.