Esaia 59:20 - Tosi Tapu

²⁰ E au loa se fakamauli ki Sione, Kia latou o Sakopo ala e tafoki loa i alatou agasala, E pati le Eteleno.

Esaia 59:20 ပူးပေါင်းရင်းမြစ်များ

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Esaia 10:21

E toe liliu loa le toetoega, io, le toetoega o Sakopo Ki le Atua mafimafi.

Esaia 10:22

Ei Iselaele, pe lasi loa lou kakai ofaipe le one o le mata tai, Ko se ga toetoega fai e toe liliu loa ; Kua fakapapau le maumau, e fakalaka loa a ia i le fakamaau.

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 62:11

Ko leinei le nea leia e fakasa e le Eteleno ki potupotu o le malama nei : Kotou pati ki le taine o Sione : Ko leinei, e au lou fakamauli ; E au a ia mo le totogi, Ti e muamua a fakapale iate ia.

Taniela 9:13

Ofaipe lona tosi i le lao a Moisese, kua au a malaia fuli kia matou ; ti na leaise motou kalaga ki le Eteleno, lomatou Atua, ti na leaise motou tafoki mei amatou agatuu, ti na leaise motou tokaga ki le maoki.

Soele 2:32

Ti ko leia e fetapa loa ki le suafa o le Eteleno e mauli loa ; E nofo loa le fakamauli i le mauga o Sione mo Selusalemi, Ofaipe le pati a le Eteleno, Ti mo lotolotoga o latou ala na saofaki, latou ala e kalagai loa e le Eteleno.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Gaoi 3:26

Koia na fakatuu ai e le Atua lana tagata fakasausau ko Sesu kia koutou mua, ti kua kakau mai e ia a ia ke tapuaki kia koutou ki le tafoki o le tagata taki toka tasi mei ana agaveli.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.