Esaia 59:2 - Tosi Tapu

² Kae ko akoutou agatuu ala e fakatuu ia se paa ia koutou mo lokoutou Atua ; Ko akoutou agasala ala e fufu ia ona mata kia koutou, Ti e tapono ia a ia ke fakalogo kia koutou.

Esaia 59:2 ပူးပေါင်းရင်းမြစ်များ

Taagapati 15:29

E mamao le Eteleno i le kau agaveli, Kae e fakalogo a ia ki le kole a tagata agatonu.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 57:17

O tupu ko lona manumanu agasala, na kau ita ti na kau taai a ia ; Na kau mumuni i loku mamae ; Ti na muli le tagata agatuu i le ala o lona loto.

Esaia 58:4

Ko leinei, e kotou sesunio ke visi, ke fefele, Ke ta fakamakeke okoutou kaito ; E leaise kotou sesunio ofai ki le uiga totonu o le aso lena, Ke logo lokoutou leo ki aluga.

Selemia 5:25

E tupu ko akoutou agasala na leaise soko ai a nea ana, Ko akoutou agasala ala na taofi ia a nea malilie ana ia koutou.

Tagi laulau a Selemia 1:8

Na liuliuga e Selusalemi ana agasala, Koia leia kua liliu ai a ia ko se nea fakalialia. Ko latou fuli ala na fakaapaapa kiate ia kua vesia kiate ia, i le tio ki lona telefua. Kua tagi a ia totonu, ti e tagaki kese e ia ona mata.

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Sosue 7:11

Kua agasala a fanau a Iselaele : Kua lotou maumaui le fakapapau leia na kau tuku kia latou ; io, kua lotou too ni nea i nea ala na kau tapui kia latou, kua lotou kaia a nea ana, ti kua lotou fufu latou i loto malie o alatou kavega.

Uluaki tosi a Samuele 4:3

Na toe liliu loa le kakai ki le nofolaga solia, ti na pati loa le kau matua o Iselaele : Kolea na tuku ai e le Eteleno ke tamate tatou e le kau Filisitini i le aso leinei ? Tou ano o afa i Silo le aleka o le sai a le Eteleno o kau tau ; ke au a ia ki loto malie o tatou, ti ke saofaki e ia tatou i le lima o otou fili.