Esaia 59:16 - Tosi Tapu

¹⁶ E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Esaia 59:16 ပူးပေါင်းရင်းမြစ်များ

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 94:16

Ko ai e tuu ake loa kiate au o taofi le kau agasala ? Ko ai e tokoi mai loa kiate au o taofi latou ala e fai ia le veli ?

Pesalemo 98:1

Pesalemo. Kotou sua ki le Eteleno se katiko foou ! Talie na fai e ia ni nea lalasi, Na tokoi kiate ia lona lima atamai mo lona lima maokioki.

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 33:3

Ka sa lou leo, e sosola a kakai ; Ka ke tuu ake ki aluga, e mavete a atu puleaga.

Esaia 40:10

Ko leinei, le Aliki, le Eteleno e au i lona mafimafi, Ti e pule lona lima ; Ko leinei, e au a ia mo le totogi, Ti e muamua a fakapale iate ia.

Esaia 41:28

E kau tio saele, kae e leai fua se tasi, E leaise tasi fua ia latou e faikikite, Ti e mafai ke tali mai, mo ka kau vesili ki ai.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 51:5

Kua ofi fua laku faitotonu, ti kua vave sa fua laku fakamauli, Ti e fakamaau loa e oku lima a kakai ; E amanaki malie loa a atu motu kiate au, E lotou fanaki loa ki loku lima.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 53:1

Ko ai na tui ki le nea leia na fakasa fakatomua mai kia tatou ? Ko ai na iloa ia le lima o le Eteleno ?

Esaia 62:8

Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Esekiele 22:30

E kau afa ia latou se tagata leia e fakatuu ia se kaua, leia e tuu i le pu o le kaua i oku mua o tupu ko le fenua, o tupu ke aua na kau maumaui a ia ; kae e leaise kau maua se tasi.

Maleko 6:6

Ti na ofolele a ia ki lolatou tui gataa. Na folii e Sesu a kolo i le takatakai, o akonaki.