Esaia 59:14 - Tosi Tapu

¹⁴ Koia na mavae ai le tokoi, Ti na mamao ai le fakamauli ; Talie e siga le maoki i le malae fakafenua, Ti e leaise mafai ke fakafeofi ki ai le faitotonu.

Esaia 59:14 ပူးပေါင်းရင်းမြစ်များ

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Uluaki tosi o Sau 21:11

Ti na fai loa e le kakai o le kolo o Napote, mo le kau matua, ti mo le kau pule ala na nonofo i le kolo, o mulimuli ki le nea leia na fakasa e Sesapele kia latou i tosi ala na fakamomoli ake e ia kia latou.

Pesalemo 119:150

E lotou fakafeofi mai kiate au latou ala e afa ia le veli : E lotou fakamamao i le lao.

Ekelesiasi 3:16

Na kau toe tio ki le nea leinei i le lalo laa : I le ganea leia kua tuku ke fai ai le fakamaau e i ai le agaveli, ti ko le ganea leia kua tuku ki le faitotonu e i ai le agasala.

Esaia 1:21

Kolea koia ! Kua liliu foki le kolo agatonu ko se fafine faiaga ! I mua na apele a ia i le fakaapaapa ki le lao, ti na nofo i ai le faitotonu ; Kae i le temi nei kua i ai ni tagata tukipo !

Esaia 46:12

Kotou fakalogo mai kiate au, kakai loto fefeka, Ala ko fili o le maoki !

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 59:11

E motou tagi fuli ofaipe ni uluso, E motou tagi fakaaloalofa ofaipe ni lupe ; E motou talitali ki se tokoi, kae e leaise kaku mai a ia, Ki le fakamauli, kae e mamao a ia ia matou.

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Esaia 59:9

Koia e mamao ai le saofaki ia matou ; Ti e leaise kaku mai ai le fakamauli kia matou ; E motou talitali ki le malama, ti ko leinei ko le fakapouli, Ki le mafoata, ti e motou saele i le pouli.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 7:28

Koia pati kia latou : Ko leinei le kakai leia e leaise fakalogo ki le leo o le Eteleno, lona Atua, Ti e leaise loto ke tali ia se akonaki ; Kua puli le maoki, kua mavae a ia i lolatou gutu.

Taniela 8:12

Na tuku loa kiate ia le kau tau mo le failaulau o aso taki tasi, o tupu ko le agasala ; na ti loa e le tala le maoki ki le kele, ti na manuia loa ana gaoi fuli.

Oseo 7:1

I le aso na kau loto ai ke faitoo Iselaele, Na sa loa le agaveli a Efalaimi ti mo le agaitaita a Samalia, Talie na la fai nea fakakaia : Na ulu le tagata kaia ki loto, kae na mavetevete i fafo le toega o le kau kaia.

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Amosi 5:7

Talie kua kotou fakaliliu le lao ko se nea kona, Ti kua kotou takatakafi ki le kele le faitotonu !

Amosi 6:12

Pe makape a osi i aluga o se utu ? Pe fakamaluu le kele i ai ki ni pipi ? Kolea kua kotou fetogi ai le loto sako ki se nea kona, Ti mo le fua o le faitotonu ki se laakau kona ?

Apakuki 1:4

Koia e leaise koi mauli ai le lao, E leaise koi makeke ai le faitotonu : Talie kua malo le tagata agaveli i le tagata faitotonu, Ti kua salasala a fakamaau.