Esaia 59:11 - Tosi Tapu

¹¹ E motou tagi fuli ofaipe ni uluso, E motou tagi fakaaloalofa ofaipe ni lupe ; E motou talitali ki se tokoi, kae e leaise kaku mai a ia, Ki le fakamauli, kae e mamao a ia ia matou.

Esaia 59:11 ပူးပေါင်းရင်းမြစ်များ

Pesalemo 119:150

E lotou fakafeofi mai kiate au latou ala e afa ia le veli : E lotou fakamamao i le lao.

Pesalemo 119:155

E mamao le fakamauli i le kau agaveli, Talie e leaise lotou afa lou finegalo.

Pesalemo 38:8

Talie e kai loku tino e se masaki veli : E leaise nea fua koi sao i loku tino.

Pesalemo 55:2

Ei Atua ! fakalogo mai lou taliga ki laku kole, Kae aua na ke mumuni i aku tagi kiate koe !

Pesalemo 85:9

E kau fakalogo loa ki le nea leia e pati loa ki ai le Atua, le Eteleno ; Talie e masau a ia ki le tokamalie ki lona kakai mo lana kau agatonu, O tupu ke aua na lotou toe vilo ki valea.

Esaia 38:14

Na kau tagi ofaipe se pekapeka e lele, Na kau tagi ofaipe le lupe ; Na gaegae oku mata i le tio ki le lagi : Ei Eteleno ! kua kau taomia i le i, saofaki au !

Esaia 51:20

Kua konana ou vosa, ti kua lotou momoe i poko o ala fuli Ofaipe le tia i se kupega, O tupu ko le sausau o le Eteleno, Mo valoki a lou Atua.

Esaia 59:14

Koia na mavae ai le tokoi, Ti na mamao ai le fakamauli ; Talie e siga le maoki i le malae fakafenua, Ti e leaise mafai ke fakafeofi ki ai le faitotonu.

Esaia 59:8

E leaise lotou iloa le ala o le tokamalie, Ti e leaise maua le faitotonu i olatou ala ; E lotou saele i ni ala pikopiko : Ko leia e saele i ai e leaise iloa ia le tokamalie.

Esaia 59:9

Koia e mamao ai le saofaki ia matou ; Ti e leaise kaku mai ai le fakamauli kia matou ; E motou talitali ki le malama, ti ko leinei ko le fakapouli, Ki le mafoata, ti e motou saele i le pouli.

Selemia 8:15

Na tou amanaki malie ki le tokamalie, Kae e leaise soko fua se nea e malie kia tatou ; Ki se fakamauli, ti ko leinei, ko le nea fakaii !

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Tagi laulau a Selemia 3:17

Kua ke too iate au le tokamalie ; E leaise koi kau iloa le fiafia.

Esekiele 7:16

Ko latou ala na sao e sosola, E lotou nonofo i mauga, ofaipe lupe o vaivailiua, e Lotou fetagisi fuli O tupu ko alatou agaveli.

Oseo 7:14

E leaise lotou tagi kiate au i lolatou loto, Kae e lotou lauga i lolatou moeaga ; E lotou fakatasi ke maua se fulumeto mo se vino, Ti e lotou fakamamao iate au.

Naume 2:7

Kae fokifa kua mavaa a matapa o vaitafe lalasi, Ti kua solo le fale sau !

Naume 2:8

Kua oki a ia : Kua telefua Ninive, kua ave a ia. Kua tagi laulau ana fafine fakasausau ofaipe ni lupe, Ti kua lotou pa olatou fatafata.