Esaia 59:10 - Tosi Tapu

¹⁰ E motou saele taufa ofaipe ni kivi ki se kaua, E motou saele taufa ofaipe latou ala e leai ni mata ; E motou sisiga i le lalatea ofaipe le pouli, I loto malie o le mou e motou faipe ni mate.

Esaia 59:10 ပူးပေါင်းရင်းမြစ်များ

Sopo 5:14

E lotou felavei mo le fakapouli ka koi ao, Ti e lotou saele taufa i le lalatea ofaipe le pouli.

Taagapati 4:19

Ko le ala o le kau agaveli e faipe le fakapouli ; E leaise lotou tio ki le nea leia e fakavilo ia loa latou.

Esaia 28:13

Kia latou, ko le folafola a le Eteleno e liliu loa Ko se pelesepeto ki se pelesepeto, ko se pelesepeto ki se pelesepeto ; Ko se lekula ki se lekula, ko se lekula ki se lekula ; Ko se nea noa i leinei, ko se nea noa i leia, O tupu ke lotou sisiga o fatifati mo ka lotou saele, O tupu ke visia olatou vae ti ke lotou pikiia ai.

Esaia 8:14

Ti e soko loa a ia ko se sagatualio, Kae e toe liliu foki a ia ko se fa fatu fakatupu tukia, Ko se utu fakatupu siga ki fale e lua o Iselaele, Ko se kupega mo se masele Ki le kakai o Selusalemi.

Esaia 8:15

E tukia loa se toka api ; E lotou sisiga loa ki lalo o fatifati, E lotou pikiia loa i masele o mamate.

Selemia 13:16

Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Tagi laulau a Selemia 3:6

Na fakanofo e ia au i le fakapouli, Ofaipe latou ala kua mamate talu mei fualoa.

Tagi laulau a Selemia 4:14

Kua lotou sese i ala ofaipe ni kivi, Kua lotou kelekele fuli i le toto ; E leaise koi feala Ke fafa ki olatou kofu.

Esekiele 21:15

Kua fakakakai a ia ke tamate, Kua gigila a ia ke ula. Pe tou fiafia loa ? E vesia le tokotoko o loku vosa ki laakau fuli…

Amosi 8:9

I le aso lena, e pati le Aliki, le Eteleno : E kau fakagalo ia loa le laa i le lalatea, Ti e kau fakaliliu loa ke pouli le malama nei i le loto malie o le ao ;

Mikea 3:6

O tupu ko le nea lena, e kotou maua loa le pouli…, ti e leaise kotou toe maua loa se tio ! E kotou maua loa le fakapouli… kae leai ni folafola mei le Atua ! E to loa le laa ki polofeta ana, E fakapouli loa le malama o le ao kia latou.

Soane 12:35

Na pati loa Sesu kia latou : Koi nofo fua le malama i se ga temi ikiiki ia koutou. Kotou saele koi kotou maua le malama, talie ke aua na maua koutou e le fakapouli : ko leia e saele i le fakapouli e leaise iloa e ia pe ano a ia kifea.

Soane 12:40

Kua fakakivi e ia olatou mata ; Ti kua fakafefeka e ia olatou loto, Ke aua na lotou tio ki olatou mata, Ke aua na lotou matala i olatou loto, Ti ke aua na lotou tafoki, ti ke aua na kau fakamauli latou.

Tetelonome 28:29

E ke saele taufa loa i le lalatea ofaipe le kivi leia e taufa i le fakapouli. E leaise manuia loa sau gaoi fua e tasi, kae e ke mamae loa ti e ke fakaaloalofa loa i aso fuli. Ti e leaise maua loa se tasi ke fakamauli ia a koe.

Uluaki tosi a Soane 2:11

Kae ko leia e vesia ki lona taina, e nofo a ia i le fakapouli, e saele a ia i le fakapouli, ti e leaise iloa e ia le ganea leia e ano a ia ki ai, talie na fakakivi ona mata e le fakapouli.