Esaia 59:1 - Tosi Tapu

¹ Leai, e leaise toetoe le lima o le Eteleno ke fakamauli, Pe tulituli lona taliga ke aua na logo.

Esaia 59:1 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Pesalemo 94:9

Ko leia na to ia le taliga, pe leaise logo loa a ia ? Ko leia na fai ia le mata, pe leaise tio loa a ia ?

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 58:9

Ti e ke kalaga loa, ti e tali atu loa le Eteleno kiate koe, E ke tagi loa, ti e pati loa a ia : Ko leinei au ! Kapau e ke fakamamao iate koe le kavega mamafa, Le ta fakaitaita o lima, ti mo le masau lauveli,

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Esaia 63:1

Ko ai leia e au mei Etome, Mei Potesela, i ni kofu kula, I ni kofu gigila, Ti e saele fia tagata i lona makeke katoa ? Ko au leia na fakapapau ia le fakamauli, Leia e nofo mo le makeke ke saofaki.

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Mikea 2:7

Fale o Sakopo, pe ke toa i le masau felaaki ? Pe ita vave le Eteleno ? Pe ko lana fai masani a ia ? Pe leaise malie aku masau Ki leia e saele i le agatonu ?

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Mateo 13:15

Talie kua liliu o mate noa le mafu o le kakai leinei ; Kua lotou fakatulituli olatou taliga, ti kua lotou tapono olatou mata, O tupu ke aua na lotou tio ki olatou mata, Ke aua na lotou logo ki olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Uluaki tosi a Samuele 4:3

Na toe liliu loa le kakai ki le nofolaga solia, ti na pati loa le kau matua o Iselaele : Kolea na tuku ai e le Eteleno ke tamate tatou e le kau Filisitini i le aso leinei ? Tou ano o afa i Silo le aleka o le sai a le Eteleno o kau tau ; ke au a ia ki loto malie o tatou, ti ke saofaki e ia tatou i le lima o otou fili.

Uluaki tosi a Samuele 8:18

Ti e kotou kalaga loa ki lokoutou sau leia ka kotou filifili loa, kae e leaise tali loa le Eteleno kia koutou.