Esaia 58:7 - Tosi Tapu

⁷ Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Esaia 58:7 ပူးပေါင်းရင်းမြစ်များ

Senesi 19:14

Na ulu loa a Lote o masau ki ona fugao ala na avaga mo ona taine. Na pati loa a ia kia latou : Ke kotou tutuu ki aluga, ti ke kotou mavae i le ganea leinei, talie ka maumaui loa le kolo e le Eteleno. Kae na fai a ia kia latou pe se tasi leia e masau fakasuasua.

Senesi 19:2

Ti na pati loa a ia : E kau kole atu kia koulua ke kolua fakamalie o ulu mai ki loku fale, o kolua nonofo ai i le po leinei. E kolua fufulu ai loa okoulua vae, ti o kolua tutuu ake loa i le usu o soko atu lokoulua fanoga. Kae na la tali loa kiate ia : Leai ! E ma nofo fai i le po nei i le lapalasi fakafenua o le kolo.

Lua tosi o Koloniko 28:15

Ti na tutuu ake loa ki aluga le kau tagata lena kua tosi olatou igoa, o too le kau popula ; ti na lotou fakaaoga loa le koloa o le tau o fakalava ai latou ala na telefua ; ti na lotou soli loa kia latou ni nea lava mo ni taka, ti na lotou fagai loa latou mo fakainu, ti na lotou faitoo loa latou, ti na lotou fakaeke loa latou fuli ala na gaegae ki ni asino, ti na lotou taki loa latou ki Seliko, le kolo o palemie, ki olatou fetaina. Ti na lotou toe liliu loa ki Samalia.

Neemia 5:5

Kae ko leinei e tatau lomatou kanofi mo le kanofi o omatou fetaina, ti e tatau amatou fanau mo alatou fanau ; ti ko leinei e tonu ke motou tuku amatou fanau ke fakapopulai, ti kua toka api i omatou taineliki kua fakapopulai ; e leaise tasi ake puleaki e motou maua, talie kua maua amatou faisaga mo omatou vite e latou ala e motou tuu maua ki ai.

Sopo 22:7

Na leaise ke soli se vai ki leia e fia inu, Ti na leaise ke soli se pane ki leia e fia kai.

Pesalemo 112:9

E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Taagapati 11:17

E fai e le tagata agamalie le nea e malie ki lona laumalie, Kae fai e le tagata agaveli le nea e veli kiate ia totonu.

Taagapati 22:9

E manuia loa le tagata manava alofa, Talie e vaevae e ia lana pane mo le mativa.

Taagapati 24:11

Saofaki latou ala e toso ki le mate ! Saofaki latou ala e ave ke tamate !

Taagapati 25:21

Kapau e fia kai lou fili, soli kiate ia se pane ke kai ; Kapau e fia inu a ia, soli kiate ia se vai ke inu.

Taagapati 28:27

Ko leia e solisoli ki le mativa e leaise puli se nea iate ia ; Kae ko leia e tapono ia ona mata ki le mativa e mafaia i malaia.

Esaia 58:10

Ti kapau e ke soli le pane leia e ke kai ki leia e fia kai, Kapau e ke fakamakeke le loto e mamae, E sopo ake loa lou malama i le fakapouli, Ti e fai loa ou fakapouli pe le lalatea.

Selemia 22:3

E folafola le Eteleno, o pati : Kotou fai le faitotonu mo le agatonu ; kotou saofaki leia kua fakamakeke mei lima o leia e fakamakeke ake kiate ia. Aua na kotou fakavelivelii le matapule, mo le fanau sala matua, mo le fafine lokonui. Aua na kotou agaveli, ti aua na kotou liligi le toto o le tagata agatonu i le ganea leinei.

Esekiele 18:16

Ti kapau e leaise fakamakeke loa e ia se tasi, ti kapau e leaise too loa e ia le koloa o le tagata leia e gaoi kiate ia, ti kapau e leaise kaia loa a ia, ti kapau e soli loa e ia lana pane ki leia e fia kai ti e fakalava loa e ia leia e telefua,

Esekiele 18:7

Leia e leaise fakamakeke ia se tasi, leia e liufaki ia ki le tagata tuu maua lana nea fakamaoki, leia e leaise kaia ia se tasi, leia e soli ia lana pane ki leia e fia kai ti e fakalava ia leia e telefua,

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.

Luka 3:11

Na tali loa Soane kia latou : Ko leia e maua ia ni kofu e lua ke vaevae e ia mo leia e sala kofu, ti ko leia e maua ia se nea kai ke toe fai fenaaki.

Gaoi 16:15

I le oki o lona papitema, a ia mo lona famili, na fai loa e ia kia matou le kole leinei : Kapau e kotou tio e kau tui maoki ki le Aliki, kotou ulu ki loku fale, o nonofo i ai. Ti na fakaafe loa e ia matou ke matou tali lana kole.

Gaoi 16:34

Ti na taki loa e ia laua ki lona fale, o tuku loa e ia se nea kai kia laua, mo fiafia a ia mo lona famili katoa, i lana kua tui ki le Atua, mo lona famili.

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Tetelonome 22:1

Kapau e ke tio loa e sese le pipi o lou taina, pe ko lana ovi, ke aua na ke tuku loa le manu ke ano, kae e ke faiga loa ke ke too a ia o ave ki lou taina.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Filemo 1:7

Koia na kau logoi ai se fiafia lasi mo se fakapelepele o tupu ko lou alofa ; talie kua ke fakafimalie ia, ei taina, le loto o le kau sagato.

Tuifakamaau 9:2

E kau kole atu kia koutou ke kotou vesili ki tagata o Siseme pe lotou malie ia ake ke pule kia latou a vosa e tino fitu o Selupaale pe ko se tagata e toka tasi. Ti ke kotou manatui ko au ko lokoutou ivi mo lokoutou kanofi.