Esaia 58:2 - Tosi Tapu

² I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Esaia 58:2 ပူးပေါင်းရင်းမြစ်များ

Pesalemo 119:15

E kau metitasio ki au fakatotonu, E kau maua ou ala i oku mua.

Pesalemo 119:151

Ei Eteleno, e ke ofi mai kiate au ! Ti e maoki au folafola fuli.

Pesalemo 119:87

Na teiteiki ke lotou tamate au, o kau puli oki ; Kae ko au, e leaise kau tiaki fua au fakatotonu.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Esaia 1:28

Kae e maumaui loa latou fuli ala e agatuu mo latou fuli ala e agasala, Ti e mamate loa latou fuli ala e tiaki ia le Eteleno.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 42:20

Na ke tio ki nea mauke ai, kae na leaise ke tokaga fua ki ai ; Na fakamavaa a taliga, kae na leaise logo fua.

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Esaia 57:3

Kae ko koutou ake ala, kotou fakafeofi mai ki leinei, vosa o le fafine fai nea fakatemonio, Sakoga o le fafine tono mo faiaga !

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Selemia 42:20

E kotou kakaai a koutou totonu, talie na kotou kakau au ki le Eteleno, lokoutou Atua, o pati : Faikole ki le Eteleno, lomatou Atua, o uiga mo matou ; fakasa mai kia matou a nea fuli ala e pati loa ki ai le Eteleno, lomatou Atua, ti e motou fai loa latou.

Selemia 7:10

Ti oki, ti kotou au o tutuu i oku mua, I le fale leinei e fetapa ai ki loku suafa, Ti e kotou pati : Kua saofaki matou !… Ti e kotou soko atu aifai le fai o nea fakalialia fuli ana !

Selemia 7:9

Kolea ! Kaia, tukipo, tono avaga, Fakapapau loi, momoli iseso kia Paale, Tausi ki ni atua kese ala e leaise kotou iloa !…

Esekiele 20:3

Vosa o le tagata, masau ki le kau matua o Iselaele, ti ke pati kia latou : E folafola le Aliki, le Eteleno, o pati : Pe na kotou au o afa au ? E pati le Aliki, le Eteleno : E kau mauli ! e leaise kau tali ke kotou afa au.

Amosi 5:18

Malaia kia latou ala e oli ki le aso o le Eteleno ! Kolea le nea leia e kotou talitali ki ai i le aso o le Eteleno ? Ki se aso manuia ? Leai, talie ko se aso fakapouli.

Maleko 12:14

Ti na lotou au loa, o pati kia Sesu : Pule, e motou iloa e ke maoki, ti e leaise ke tuania ia fua se tasi ; talie e leaise ke tio ki le tagata, ti e ke akonaki ki le ala o le Atua o mulimuli ki le maoki. Pe taga pe leai ke soli le tukusau kia Sesale ? Pe tonu ke motou soli a ia pe leaise tonu ke motou soli a ia ?

Maleko 6:20

Kae na leaise mafai e ia o tupu ko Elote. Ti na i Elote kia Soane, talie na iloa e ia ko se tagata agamalie a ia mo maokioki ; ti na puipui e ia Soane. I lana logo kiate ia, na tua lasi le mamae o lona loto, kae na fia logo tuumau a ia kiate ia.

Soane 5:35

Ko Soane ko le malama leia e ula mo malama, ti na kotou loto ke kotou fakafiafia i se ga temi ikiiki i lona malama.

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Sakopo 4:8

Kotou fakafeofi ki le Atua, ti e fakafeofi atu loa a ia kia koutou. Kotou fakamea okoutou lima, kau agasala, ti kotou fakamea okoutou loto, kau lotolotolua.