Esaia 58:1 - Tosi Tapu

¹ Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Esaia 58:1 ပူးပေါင်းရင်းမြစ်များ

Esaia 2:5

Fale o Sakopo, Kotou au, ti ke tou saele fakatasi i le malama o le Eteleno !

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 40:6

Na pati se leo : Kalaga ! Ti na tali a ia : Kolea ke kau kalaga ? E tatau tagata fuli mo le mutie, Ti e tatau lona kololia mo le se o faisaga.

Esaia 43:27

Na agasala lou uluaki tamana, Ti na agatuu kiate au ou fakafofoga.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 56:10

E kivi fuli ona tagata leo, sala atamai ; Ko latou fuli ko ni kuli gutu mate, ala e leaise mafai ke ko ; E lotou maua ni moe miti, e lotou momoe i lalo, E lotou manako ki le moe.

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Esaia 59:12

Talie e lasi ai amatou patigataa i ou mua, Ti e fakamaoki amatou agasala kia matou ; E pipiki amatou agatuu kia matou, Ti e motou iloa amatou agaveli.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 36:9

I le fetuu lima o le sau o Sosakimi, vosa o Sosiasi, sau o Suta, i le masina iva, na fakatotonu loa se sesunio i mua o le Eteleno ki le kakai katoa o Selusalemi mo le kakai katoa leia na au mei kolo o Suta ki Selusalemi.

Selemia 6:17

Na kau tuku ki okoutou tafa ni tagata leo : Kotou tokaga ki le tagi o le fakatagi pupusi ! Kae e lotou tali : E leaise motou tokaga loa ki ai.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Esekiele 11:4

Koia, vosa o le tagata, kikite kia latou !

Esekiele 16:2

Vosa o le tagata, fakasa ki Selusalemi ana nea fakalialia !

Esekiele 20:4

Ko koe, vosa o le tagata, e ke fia fakamaaui latou, e ke loto ke ke fakamaaui latou ! Fakasa kia latou a nea fakalialia o olatou tamana !

Esekiele 22:2

Ti ko koe, vosa o le tagata, pe ke fakamaaui loa, pe ke fakamaaui loa le kolo tukipo ? Io, fakasa kiate ia ana nea fakalialia fuli !

Esekiele 23:36

Na pati mai loa le Eteleno kiate au : Vosa o le tagata, pe ke fakamaau loa Olola mo Ololipa ? Fakasa kia laua ala nea fakalialia !

Esekiele 33:3

Kapau e tio loa le tagata lena kua au le seleta ki le fenua, ti e pupusi loa e ia le fakatagi pupusi, ke valoki ai le kakai ;

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Sonasi 1:2

Ke ke tuu ki aluga, o ano ki Ninive, ki le kolo lasi, ti ke kalaga ki ai ! Talie kua kaku mai ki oku mua lana agaveli.

Tito 2:15

Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,

Apokalipisi 4:1

Ti na sili le nea lena, na kau tio loa, ti ko leinei, kua mavaa se matapa i le lagi. Ko le uluaki leo leia na kau logo ki ai, ofaipe le tagi o se fakatagi pupusi, ti na masau mai kiate au, na pati loa : Pale mai ki leinei, ti e kau fakatio loa a koe ki le nea leia e tonu ke soko ki muli.