Esaia 57:5 - Tosi Tapu

⁵ Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Esaia 57:5 ပူးပေါင်းရင်းမြစ်များ

Uluaki tosi o Sau 14:23

Talie na lotou toe laga foki kia latou ni potu taualuga, mo ni fakatata, ti mo ni taulaatua, i tumutumu o mauga liliki fuli ti mo lalo o laakau sesega fuli.

Lua tosi o Sau 17:10

Na lotou fakatuu loa kia latou ni fakatata mo ni taulaatua i mauga liliki fuli ti mo lalo o laakau sesega fuli.

Lua tosi o Sau 17:7

Na soko loa le nea lena o tupu na agasala aifai a fanau a Iselaele ki le Eteleno, lolatou Atua, leia na fakamavae ia latou mei le fenua o Esipito, mei le lima o Falaone, sau o Esipito, ti toe tupu na lotou tausi ki ni atua kese.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Ekesote 32:6

I leia ake aso, na lotou alaala loa i le usu ti na lotou momoli loa ni failaulau mo ni sakilifisio fakafetai. Ti na tonatona loa le kakai ki lalo o kai mo inu ; ti na lotou tutuu ake loa ki aluga o fakafiafia.

Esaia 1:29

E kotou luma loa o tupu ko laakau ala na kotou tui ki ai, Ti e kotou luma loa o tupu ko oloto ala na fai ia okoutou fiafiaaga ;

Selemia 17:2

E tatau lalatou manatu ki alatou fanau mo lalatou manatu ki olatou aletale Ti mo olatou taulaatua o Asetalate i tafa o laakau lalasi, I mauga liliki taualuga.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 3:6

Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Selemia 50:38

Ke vilo le tau laa ki ona vai ! ke lotou mamasa ! Talie ko se fenua o taulaatua ; Kua lotou valelea ki olatou taulaatua.

Selemia 51:7

Ko Papilone ko se ipu aulo i le lima o le Eteleno, Leia na fakakona ia le malama nei katoa ; Na inu e atu puleaga lana vino : Koia e totogi loa kiate ia o mulimuli ki ana gaoi.

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Esekiele 16:20

Na ke too loa ou vosa mo ou taineliki, ala na ke fanaui kiate au, ti na ke sakilifisioi loa latou kia latou ko lalatou nea kai : Pe na leaise feauga i au faiaga ?

Esekiele 20:26

Na kau fakakelekele loa latou ki alatou failaulau, i lalatou tuku olatou uluaki fuli ke fakalaka i le afi ; na kau loto loa i ai ke fakatuaa latou, o tupu ke lotou iloa ko au ko le Eteleno.

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Esekiele 20:31

I lakoutou fai akoutou moliga, i lakoutou tuku ke fakalaka akoutou fanau i le afi, e kotou toe fakakelekele foki koutou i le aso nei ki okoutou taulaatua fuli. Ti ko au, pe kau tuku loa ke koutou afa au, e koutou, fale o Iselaele ? E pati le Aliki, le Eteleno : E kau mauli ! e leaise kau tuku loa ke kotou afa au.

Esekiele 6:13

Ti e kotou iloa loa ko au ko le Eteleno, Mo ka e lotou tio loa ki olatou mate kua laku i mua o olatou taulaatua, I tafatafa o olatou aletale, I aluga o ganea taualuga fuli, i tumutumu fuli o mauga, I lalo o laakau sesega fuli, i lalo o sene fuli e laulau, I ganea ala na lotou momoli ai ni kaloni manogi Ki olatou taulaatua fuli.

Levitiko 18:21

Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Numelo 25:6

Ti ko leinei, na au se tagata Iselaele, o aumai ki ona fetaina se fafine Matiane i mata o Moisese mo mata o le fakatasi katoa o fanau a Iselaele, ala na fetagisi i le uluaga o le falela tapu.

Tetelonome 12:2

Ke kotou maumaui loa a ganea tapu fuli ala e tausi ai ki olatou atua a puleaga ala ka kotou kapu loa, i tumutumu o mauga lalasi mo mauga liliki, mo lalo o laakau sesega fuli.

Apokalipisi 18:3

talie kua inu e puleaga fuli le vino o le sausau o lana fai feauaki, ti kua fai feauaki mo ia a sau o le malama nei, ti kua mou koloa a kau fai koloa o le malama nei i le makeke o lona koloa fakalialia.