Esaia 57:19 - Tosi Tapu

¹⁹ E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Esaia 57:19 ပူးပေါင်းရင်းမြစ်များ

Esaia 26:12

Eteleno, e ke soli kia matou le tokamalie ; Talie ko nea fuli ala e motou fai, Ko koe leia e fakasoko ia kia matou.

Esaia 26:3

Ki leia e tuu makeke i ana manatu loto E ke tuku maoki le tokamalie, io, le tokamalie, Talie e fanaki a ia kiate koe.

Esaia 32:17

Ko le gaoi a le faitotonu ko le tokamalie, Ti ko le fua o le faitotonu ko le malolo mo le fimalie o lee gato.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Esaia 6:7

Na fakalave loa e ia le fa fatu ki loku gutu, o pati : Kua lave le nea leinei ki ou laugutu ; kua sau lau agaveli, ti kua fakamolemole lau agasala.

Selemia 30:17

Kae e kau fakamauli loa a koe, e kau sai loa ou lavea, E pati le Eteleno. Talie e lotou fakaigoa a koe le tiakina, Le Sione leia e leaise koi tokaga se tasi ki ai.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Oseo 14:5

E kau liliu loa ofaipe le sasau ki Iselaele, E se loa a ia ofaipe le lilio, Ti e somo loa ona aka ofaipe le Lipane.

Sofoni 3:9

I le aso lena, e kau soli loa ki kakai ni laugutu mea, O tupu ke lotou fetapa fuli ki le suafa o le Eteleno, Ti ke lotou tausi kiate ia i se loto e tasi.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Mateo 10:13

ti kapau e tali a ia e le loto fale lena, ti ke ifo lokoutou tokamalie ki le loto fale lena ; kae kapau e leaise tali a ia e le loto fale lena, ti ke toe liliu mai lokoutou tokamalie kia koutou.

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Efeso 2:13

Kae i le temi nei, ia Sesu-Kilisito, ko koutou ala na mamao i mua, kua fakafeofi mai koutou e le toto o Kilisito.

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.