Esaia 57:18 - Tosi Tapu

¹⁸ Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Esaia 57:18 ပူးပေါင်းရင်းမြစ်များ

Pesalemo 23:2

E fakamalolo e ia au i ni faisaga sesega. E taki e ia au ki ni vai tokamalie.

Pesalemo 51:12

Ei Atua ! Fakatupu iate au se loto mea, Fakafoou iate au se loto malie.

Pesalemo 94:19

Ka lasi a tuania iate au, Ko au fakapelepele e soli ia le fiafia ki loku laumalie.

Ekelesiasi 9:4

Talie e ia se amanaki malie kia latou fuli ala koi mauli : ti e malie ake se kuli mauli i se laione kua mate.

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 52:12

Aua na kotou mavae fakatavili, Aua na kotou sosola ; Talie e ano loa le Eteleno i okoutou mua, Ti e mulimuli loa le Atua o Iselaele ia koutou.

Esaia 53:5

Kae na lavea a ia o tupu ko atatou agasala, Fatii o tupu ko atatou agaveli ; Ko le tautea leia e soli ia kia tatou le tokamalie na vilo kiate ia, Ti ko ona kafo ala e tou mauli ai.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Selemia 13:17

Kapau e leaise kotou fakalogo, E kau tagi fakafufu loa, o tupu ko lokoutou fia nealasi ; E tafe loa a loimata i oku mata, Talie e ave popula loa le kau manu a le Eteleno.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 30:17

Kae e kau fakamauli loa a koe, e kau sai loa ou lavea, E pati le Eteleno. Talie e lotou fakaigoa a koe le tiakina, Le Sione leia e leaise koi tokaga se tasi ki ai.

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Sakalia 1:13

Na tali loa le Eteleno ki le aselo leia na masau mai kiate au ki ni kupu malilie ti mo ni kupu fakafimalie.

Luka 15:20

Ti na tuu loa a ia ki aluga, ti na ano loa a ia ki lona tamana. Koi natu a ia i mamao, kae kua tio mai lona tamana kiate ia, ti na manavaalofa loa a ia, ti na makape loa a ia, o fui lona vosa ki ona lima, ti mo sogi kiate ia.

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.